Love Poetry

Dekh Sakta Hai Bhala Kaun Yeh Pyaare Aansoon

Meri Ankhoon Mein Na Aa Jae Tumhare Aansoon!

Akhtar Sheerani Poetry | Love Poetry | Characters: 92

Dil Mein Khayal-e-Nargis-e-Janana Aa Geya
Phulon Se Khelta Hua Deewana Aa Geya;

Badal Ke Uthte Hi Mai-o-Paimana Aa Geya;
Bijli Ke Saath Saath Pari-Khaana Aa Geya;

Maston Ne Iss Ada Se Kiya Raqs-e-Nau-Bahar;
Paimana Kyaa Ki Vajd Mein Maikhana Aa Geya;

Uss Chashm-e-Mai-Farosh Kee Tasir Kya Kahun;
Honthon Tak Aaj Aap Hi Paimana Aa Geya;

Malum Kis Ko Qais Kee Deewangi Kee Shaan;
Hungama Sa Bapaa Hai Ki Deewana Aa Geya;

Akhtar Gazab Thi Ahd-e-Jawani Kee Daastan;
Aankhon Ke Aage Ek Pari-Khaana Aa Geya!

Akhtar Sheerani Poetry | Love Poetry | Characters: 522

Mitt Chale Meri Umeedon Kee Tarah Harf Magar

Aaj Tak Tere Khaton Se Teri Khushbu Na Gayi!

Akhtar Sheerani Poetry | Love Poetry | Characters: 92

Ab Woh Ghar Tak Viraana Tha Bas Viraana Zinda Tha,
Sab Aankhen Damm Tod Chuki Thi Aur Main Tanha Zinda Tha;

Saari Gali Sunsaan Padi Thi Baad-E-Fana Ke Pehre Mein,
Hijr Ke Dalaan Aur Aangan Mein Bas Ik Saaya Zinda Tha;

Woh Dopeher Apni Rukhsat Ki Aisa Waisa Dhoka Thi,
Apne Andar Apni Laash Uthaaye Main Jhootha Zinda Tha;

Thi Woh Ghar Raatein Bhi Kahani Vaade Aur Phir Din Ginna,
Aana Tha Jaane Wale Ko Jaane Wala Zinda Tha;

Dastak Dene Wale Bhi The Dastak Sunne Wale Bhi,
Tha Abaad Mohalla Sara Har Darwaza Zinda Tha;

Peele Patton Ko Seh-Pehr Ki Vehshat Pursa Deti Thi,
Aangan Mein Ik Aundhe Ghade Par Bas Ik Kava Zinda Tha!

Jon Elia Poetry | Love Poetry | Characters: 646

Daad-o-Tahsin Ka Ye Shor Hai Kyon;
Hum To Khud Se Kalaam Kar Rahe Hain!

Jon Elia Poetry | Love Poetry | Characters: 72

Aur Kya Chahti Hai Gardish-e-Ayyam Ki Hum

Apna Ghar Bhul Gaye Unki Gali Bhul Gaye!

Jon Elia Poetry | Love Poetry | Characters: 85

Mujh Ko Baigana Kar Gaye Mere Din
Mujh Se Ho Kar Guzar Gaye Mere Din;

Ab Na Koi Din Mere Ghar Jaye Ga;
Jaane Kis Ke Ghar Gaye Mere Din;

Ab Nahi Hain Mere Koi Din Raat;
Ki Mujh Hee Ko Basar Gaye Mere Din;

Saari Raatein Gayin Meri Be-Haal;
Mere Din, Be-Asar Gaye Mere Din;

Khosha Ab Intezar Hai Na Umeed;
Yaar Yaaran, Sudhar Gaye Ab Din;

Ab Main Bas Reh Geya Hun Raaton Mein;
Mar Gaye ‘Jon’ Mar Gaye Mere Din!

Jon Elia Poetry | Love Poetry | Characters: 432

Tum jab ao gi, to khoya hua pao gi mujhe
Meri tanhai mein, khawbon ke siwa kuch bi nahin,

Mere kamrey ko sajaaney ki tamanna hai tumhe,
Mere kamrey mein kitaabon ke siwa kuch bi nahin..

Jon Elia Poetry | Love Poetry | Characters: 190

Shaayad Mujhe Kisi Se Mohabbat Nahi Howi
Laikin Yaqeen Sab Ko Dilaata Raha Hun Mein

Ik Husn-e-Bemisaal Ki Tamseel Ke Lye
Parchaayion Pe Rung GIraata Raha Hun Mein

Apna Misaalya Mujhe Ab Tak Na Mil Saka
Zarron Ko Aaftaab Banaata Raha Hun Mein

Kia Mil Gaya Zameer Hunar Baich Kar ?
Itna Ke Sirf Kaam Chalaata Raha Hun Mein

Kal Dophair Ajeeb Si Ek Be-Dili Rahee
Bas Titliaan Jalaa Ke Bujhaata Raha Hun Mein

Jon Elia Poetry | Love Poetry | Characters: 420

Har Baar Mere Saamnay Aati Rahi Ho Tum
Har Baar Tum Se Mil Ke Bicharta Raha Hun Mein

Tum Kon Ho Ye Khud Bhee Nahee Jaanti Ho Tum
Mein Kon Hun Ye Khud Bhee Nahee Jaanta Hun Mein

Tum Mujh Ko Jaan Kar Hee Padi Ho Azaab Mein
Aur Is Tarah Khud Apni Sazaa Ban Gayaa Hun Mein

Jon Elia Poetry | Love Poetry | Characters: 277