Love Poetry

Ishq Karo To Ye Bhi Socho Arz-e-Sawal Se Pehle;
Hijr Kee Poori Raat Aati Hai Subah-e-Visaal Se Pehle;

Dil Ka Kya Hai Dil Ne Kitne Manzar Dekhe Lekin;
Aankhein Pagal Ho Jati Hain Ek Khyaal Se Pehle;

Kis Ne Ret Udaai Shab Mein Aankhein Khol Ke Rakhi;
Koi Misaal To Hona Us Kee Misaal Se Pehle;

Kaar-e-Mohabbat Ek Safar Hai Is Mein Aa Jata Hai;
Ek Zavaal-Aasaar Sa Rasta Baab-e-Kamaal Se Pehle;

Ishq Mein Resham Jaise Vaadon Aur Khwabon Ka Rastaa;
Jitna Mumkin Ho Tay Kar Le Gard-e-Malal Se Pehle!

Noshi Gilani Poetry | Love Poetry | Characters: 511

Kabhi Yeh Chup Mein Kabhi Meri Baat Baat Mein Tha;
Tumhara Akss Meri Saari Qayenaat Mein Tha;
Hum Ehl-e-Ishq Bahut Bad-Guhmaan Hote Hain;
Isi Tarah Ka Koi Vasf Teri Jaat Mein Tha!

Noshi Gilani Poetry | Love Poetry | Characters: 182

Yahi Nahi Koi Toofaan Meri Talaash Mein Hai;
Ki Mausam-e-Gham-e-Janaa Meri Talaash Mein Hai;

Visaal-Rut Hai Magar Dil Ko Aisa Lagta Hai;
Sitara-e-Shab-e-Hijra Meri Talaash Mein Hai;

Main Faisale Kee Ghadi Se Guzar Chuki Hun Magar;
Kisi Ka Deedaa-e-Hairan Meri Talaash Mein Hai;

Ye Be-Yaqeen Si Aasoodgi Batati Hai;
Ki Ek Karya-e-Veeran Meri Talaash Mein Hai;

Main Teergi Mein Mohabbat Kee Ik Kahani Hun;
Mui Charag Saar Unvan Meri Talaash Mein Hai;

Ye Kaisa Khwab Tha Dhadka Sa Lag Geya Dil Ko;
Ki Ek Shakhs Pareshan Meri Talaash Mein Hai!

Noshi Gilani Poetry | Love Poetry | Characters: 560

Tujh Se Ab Aur Mohabbat Nahi Kee Ja Sakti;
Khud Ko Itni Bhi Aziyat Nahi Di Ja Sakti;
Jante Hain Ki Yakeen Toot Raha Hai Dil Par;
Phir Bhi Ab Tark Ye Vehshat Nahi Kee Ja Sakti!

Noshi Gilani Poetry | Love Poetry | Characters: 178

Ye Dil Bhulata Nahi Hai Mohabbatein Uski;
Padi Hui Thee Mujhe Kitni Aadatein Uski;

Ye Mera Sara Safar Uski Khushbu Mein Kata;
Mujhe To Raah Dikhaati Thee Chahatein Uski;

Ghiri Hui Hun Main Chehron Ki Bheed Mein Lekin;
Kahin Nazar Nahi Aati Shabahatein Uski;

Main Dard Se Rone Lagi Hun To Aisa Lagta Hai;
Ki Chhaon Jaisi Thee Mujh Par Rafaqatein Uski;

Ye Kis Gali Mein Ye Kis Shehar Mein Nikal Aaye;
Kahan Pe Reh Gayi Logon Sadaqatein Uski;

Main Barishon Mein Juda Ho Gayi Hun Us Se Magar;
Ye Mera Dil, Meri Sansein Amanatein Uski!

Noshi Gilani Poetry | Love Poetry | Characters: 551

Meri Aankhon Ko Soojhta Hee Nahi;
Ya Muqaddar Mein Raasta Hee Nahi;

Wo Bhare Sheher Mein Kisi Se Bhi;
Mere Baare Mein Poochta Hee Nahi;

Phir Wohi Shaam Hai Wohi Hum Hain;
Haan Magar Dil Mein Haunsla Hee Nahi;

Hum Chale Uss Kee Bazm Se Uth Kar;
Aur Woh Hai Ki Rokta Hee Nahi;

Dil Jo Ek Dost Tha Magar Woh Bhi;
Chup Ka Pathar Hai Bolta Hee Nahi;

Main To Uss Kee Talaash Mein Gum Hun;
Woh Kabhi Mujh Ko Dhoondta Hee Nahi!

Noshi Gilani Poetry | Love Poetry | Characters: 439

Shaam Ko Sogwaar Kartay Rahay;
Ham Tera Intezaar Kartay Rahay;

Tu Tou Kaar-e-Jahan Mein Tha Masroof;
Aur Hum Tujh Se Pyaar Kartay Rahay;

Kis Lye Vasl Ki Kahani Mein;
Hijr Ko Hissaydaar Kartay Rahay;

Dil Ko Bas Mubtala-e-Gham Rakha;
Wehshaton Ka Shumaar Kartay Rahay!

Noshi Gilani Poetry | Love Poetry | Characters: 279

Bohat Aaraam Karna Chahti Hun;
Yehi Ek Kaam Karna Chahti Hun;
Shaoor-E-Aagahi Ek Almiaa Hai;
Ise Neelaam Karna Chahti Hun;
Mein Apni Umer Ke Saaray Asaasay;
Tumhaaray Naam Karna Chahti Hun;
Tumharay Khaima-e-Khushbuu Mein Reh Kar;
Mein Subaah-O-Shaam Karna Chahti Hun;
Charaaghon Se Hawaa Ki Dushmani Hai;
Ise Naakaam Karna Chahti Hun!

Noshi Gilani Poetry | Love Poetry | Characters: 344

Ye Dil Bhulaata Nahe Hai Mohabbatain Uski
Padi Howi Theen Mujhe Kitni Aadatain Uski

Ye Mera Saara Safar Oski Khushbuu Mein Kata
Mujhe Tou Raah Dikhaati Theen Chaahatain Uski

Ghiri Howi Hun Mein Chehron Ki Bheer Mein Laikin
Kaheen Nazar Nahee Aati Shabaahatain Uski

Mein Dard Se Ronay Lagi Hun Tou Aisa Lagta Hai
Ke Chhaon Jaisi Theen Mujh Par Rafaqatain Uski

Ye Kis Gali Mein Ye Kis Sheher Mein Nikal Aaye
Kahan Pe Reh Gayein Loogon Sadaaqatain Uski?

Mein Baarishon Mein Juda Ho Gayi Hun Os Se Magar
Ye Mera Dil, Meri Saansain Amaanatain Uski

Noshi Gilani Poetry | Love Poetry | Characters: 563

Hisaar-e-Lafz-o-Bayaan Mein Gum Hun
Abhi Teri Daastan Mein Gum Hun

Mein Dekh Sakti Hun Doston Ko
Magar Saf-e-Dushmanaan Mein Gum Hun

Badan Ka aPna azaab Hai aur
Isi Azaab-e-Ziaan Mein Gum Hun

Ye Loog Ghar Keh Rahay Hain Jisko
Mein aisay Makaan Mein Gum Hun

Kahan Wo Lazzat Musaafaton Ki ?
Mein Manzilon Ke Nishaan mein Gum Hun

Khabar Nahi Mauj-e-Dast-e-Jaan Ki
Hawaa Hun aur Baadbaan Mein Gum Hun

Abhi Kahan Fursat-e-Mohabbat ?
Abhi Mein Kaar-e-Jahaan Mein Gum Hun

Noshi Gilani Poetry | Love Poetry | Characters: 489