Love Poetry

Kisi Ko Apnay Amal Ka Hisaab Kya Detay
Sawaal Saaray Ghalat Thy Jawab Kya Detay

Kharab Sadyon Ki Be-Khwabiyan Theen Aankhon Main
Ab In Be-Aant Khala’on Main Khwaab Kya Detay ?

Hawa Ki Tarha Musafir Thy Dilbaron K Dil
Unhain Bus Aik Hee Ghar Ka Azaab Kya Detay ?

Sharaab Dil Ki Talab Thi Sharaa K Pehray Main
Hum Itni Tangi Main Us Ko Sharaab Kya Detay ?

Munir Dasht Shuroo Se Saraab Aasa Tha
Os Aainay Ko Tamanna Ki Aab Kya Detay?

Munir Niazi Poetry | Love Poetry | Characters: 453

Saaya-e-Qasr-e-Yaar Mein Baitha
Mein Tha Apnay Khumaar Mein Baitha

Os Ka Aana Tha Khwaab Mein Aana
Mein Abs-e-Intezaar Mein Baitha

Koi Soorat Nahi Hai Os Jaisi
Osko Dekho Hazaar Mein Baitha

Osko Khushion Se Khauf Aata Hai
Weham Kia Zehen-e-Yaar Mein Baitha

Hum Bhee Raston Mein Phir Rahay Thay Muneer
Wo Bhee Tha Raahguzar Mein Baitha

Munir Niazi Poetry | Love Poetry | Characters: 351

Meri saari zindagi ko be’samar iss ne kiya
Umar meri thi magar,isko basar iss ne kiya

Main bohut kamzor tha iss mulq main hijrat kay baad
Per mujhe iss mulq mein kamzor’tar iss ne kiya

Rehbar mera bana gumraah karne kay liye
Mujhko seedhey raste se darbadar iss ne kiya

Shehar mein woh moatbir meri gawahi se huwa
Phir mujhe iss shehar main na’moatbir iss ne kiya

Shehar ko barbaad kar kay rakh diya iss ne ‘Munir’
Shehar per yeh zulm mere naam per iss ne kiya

Munir Niazi Poetry | Love Poetry | Characters: 487

Tujhse bicharr kar kya hoon main, ab bahar akar dekh,
Himmat hai to meri haalat, aankh mila kar dekh,

Shaam hai gehri, tez hawaa hai, sar pe khari hai raat,
Rasta gaye musafir ka ab diya jalaa kar dekh,

Darwaze ka paas aa aa kar wapis murrti chaap,
Kaun hai iss sunsaan gali main, paas bula kar dekh,

Shayed koi dekhne wala ho jaye khairaan,
Kamre ki deewaron par koi naqsh bana kar dekh,

Tu bhi Munir ab bhare jahaan main mil kar rehna seekh,
Bahar se to dekh liya, ab andar jaa kar dekh..

Munir Niazi Poetry | Love Poetry | Characters: 507

Hum’zubaan mere they in ke dil magar achey na they,
Manzilain achi thee’n mere hum’safar achey na they,

Jo khabar pohanchi yahan tak asal surat mein na thi,
Thi khabar achi magar ehl-e-khabar achey na they,

Bastiyon ki zindagi mein be’zari ka zulm tha,
Log achey they wahan ke ehl’e’zar achey na they,

Hum ko khubaa’n main nazar ati theen kitni khoobiyan,
Jis qadar achey lage they is qadar achey na they,

Is liye aayi nahin ghar mein mohabbat ki hawaa,
Is mohababt ki hawaa ke muntazir achey na they,

Ik khayal-e-haam hi murshad tha in ka aye Munir,
Yaani apne sheher mein ehl-e-nazar achey na they..

Munir Niazi Poetry | Love Poetry | Characters: 636

Laakh Zabt-E-Khawahish K
Be Shumaar Daway Hon
Uss Ko Bhool Jany K
Be Panah Iraday Hon
Aur Iss Muhabbat Ko Tark Kar K Jeeny Ka
Faisla Sunany Ko
Kitny Lafz Sochy Hon
Dil Ko Uss Ki Aahat Peh
Bar-Mala Dharakny Se Kon Rok Sakta Hy
Phir Wafa K Sehra Mein Khushbo’on Ko Choony Ki
Justju Mein Rehny Se
Roh Tak Pighalny Se
Nangy Paaon Chalny Se
Kon Rok Sakta Hy
Aanso’on Ki Barish Mein Chahy Dil K Haathon Mein
Hijar K Musafir K Paaon Tak Bhi Chu Aao
Jiss Ko Lot Jana Hy
Uss Ko Door Jany Se
Rasta Badalny Se
Door Ja Nikalny Se
Kon Rok Sakta Hy…..!

Munawar Jameel Poetry | Love Poetry | Characters: 564

Dil ne tere barey mein poocha tou bohat roya
Woh shakhs jo pathar tha, toota tou bohat roya
Yeh dil ke judai ke unwaan pe barson se
Chup tha tou chup raha, roya tou bohat roya
Ik harf tasali ka, Ik harf mohabbat ka
Khud apne liye us ne likha tou bohat roya
Pehle hi shikaston pe khayi thi shikast usne
Lekin woh hathon haara tou bohat roya
Jo ehad nibhaney ki deta tha dua us ne

Munawar Jameel Poetry | Love Poetry | Characters: 386

Dar to mujhe kiska hai k main kuch nahin kahta
par hal ye afshan hai k main kuch nahin kahta

naseh ye gila hai k main kuch nahin kahta
tu kab meri sunta hai k main kuch nahin kahta

kuch gair se honthon main kahe hai pe jo pucho
to wahin mukarta hai k main kuch nahin kahta

naseh ko jo chahun to abhi thik bana dun
par khauf Khuda ka hai k main kuch nahin kahta

chup k se tere milne ka ghar walon main tere
is waste charcha hai k main kuch nahin kahta

ai charagaro qabil-e-darman nahin ye dard
warna mujhe sauda hai k main kuch nahin kahta

har waqt hai dushnam har ek bat pe tana
phir is pe bhi kahta hai k main kuch nahin kahta

Momin? ba-Khuda sihar bayani ka jabhi tak
har ek ko dawa hai k main kuch nahin kahta

Momin Khan Poetry | Love Poetry | Characters: 741

Dasht-e-Wafa Mein Pyaas Ka Aalam Ajeeb Tha
Dekha To Aik Dard Ka Dariya Qareeb Tha

Guzrey Jidhar Jidhar Se Tamanna K Qaafley
Her Her Qadam Pe Aik Nishaan-e-Saleeb Tha

Kuch Aysi Meherbaan Tou Na Thi Ham Pe Zindagi
Kyun Her Koi Jahaan Mein Hamara Raqeeb Tha

Apna Pata To Us Ne Diya Tha Mujhy “MOHSIN”
Main Khud Hi Kho Gaya Tou Ye Mera Naseeb Tha

Mohsin Naqvi Poetry | Love Poetry | Characters: 359

Sakoot-e-Shaam Main Goonji Sadaa Udaasi Ki
Ke Hai Mazeed Udaasi Dawa Udaasi Ki

Amoor-e-Dil Main, Kisi Teesre Ka Dakhal Nahi
Yahan Faqat Teri Chalti Hai Ya Udaasi Ki

Bohat Shareer Tha Main Aur Hansta Phirta Tha
Phir Ek Faqeer Ne De Di Dua Udaasi Ki

Charaagh-e-Dil Ko Zara Ehtiyaat Se Rakhna
Ke Aaj Raat Chale Gi Hawa Udaasi Ki

Bohat Dinon Se Mulakaat Hi Nahi “Mohsin”
Kahin Se Khair Khabar Le Ke Aa Udaasi Ki

Mohsin Naqvi Poetry | Love Poetry | Characters: 428