Love Poetry

Kabhi roye, kabhi tujh ko pukaara,
Shab-e-furqat bari mushkil se guzri..

Nasir Kazmi Poetry | Love Poetry | Characters: 73

Shehar Mein Lagta Nahin Sahra Mein Ghabrata Hai Dil

Ab Kahan Le Ja Ke Baithein Aise Deewane Ko Hum!

Nazeer Akbarabadi Poetry | Love Poetry | Characters: 102

Juda Kisi Se Kisi Ka Gharaz Habeeb Na Ho

Ye Dagh Woh Hai Ki Dushman Ko Bhi Naseeb Na Ho!

Nazeer Akbarabadi Poetry | Love Poetry | Characters: 91

Door Se Aaye The Saqi Sun Ke Maykhane Ko Hum
Bas Taraste Hi Chale Afsos Paimane Ko Hum

May Bhi Hai, Meena Bhi Hai, Sagar Bhi Hai Saqi Nahi
Dil Mein Aata Hai Laga Den, Aag Maykhane Ko Hum

Humko Phansna Tha Kafaz Mein, Kya Gila Sayyad Ka;
Bas Taraste Hi Rahe Hain, Aab Aur Daane Ko Hum;

Baag Mein Lagta Nahi Sehara Mein Ghabrata Hai Dil;
Ab Kahan Le Jaake Bithayein Aise Deewane Ko Hum;

Taak-e-Aabru Mein Sanam Ke Kya Khudayi Reh Gayi;
Ab To Pujenge Usi Kaafir Ke Butkhane Ko Hum;

Kya Hui Takseer Hum Se, Tu Bata De Ai ‘Nazeer’
Taaki Shadi Marg Samajhe, Aise Mar Jaane Ko Hum!

Nazeer Akbarabadi Poetry | Love Poetry | Characters: 599

ab k barsat ki rut aur bhi bharkili hai
jism se ag nikalti hai, qaba gili hai

sochta hun k ab anjam-e-safar kya hoga
log bhi kanch k hain, rah bhi pathrili hai

shiddat-e-karb main to hansna karb hai mera
hath hi sakht hain zanjir kahan dhili hai

gard ankhon main sahi dag to chehre pe nahi
lafz dhundhale hain magar fikr to chamkili hai

ghol deta hai samaat main wo mitha lahja
kis ko malum k ye qind bhi zahrili hai

pahle rag-rag se meri khun nichora us ne
ab ye kahata hai k rangat hi meri pili hai

mujhko be-rang hi na karde kahin rang itne
sabz mausam hai, hawa surkh, fiza nili hai

meri parwaz kisi ko nahi bhati to na bhaye
kya karun zehan ?Muzaffar? mera jibraili ha

Muzaffar Warsi Poetry | Love Poetry | Characters: 702

Tujhse Bichad Kar Kya Hun Main, Ab Bahar Aakar Dekh
Himmat Hai To Meri Haalat, Aankh Mila Kar Dekh
Shaam Hai Gehri, Tez Hawa Hai, Sar Pe Khadi Hai Raat;
Raasta Gaye Musafir Ka Ab Diya Jalaa Kar Dekh!

Munir Niazi Poetry | Love Poetry | Characters: 202

Janta hoon aik aese shakhs ko mein bhi Munir,
Gham se pathar ho geya lekin kabhi roya nahin..

Munir Niazi Poetry | Love Poetry | Characters: 94

Hoti Hai Tere Naam Se Wehshat Kabhi Kabhi
Barham Hui Hai Yun Bhi Tabiyat Kabhi Kabhi

Ay Dil Kise Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Tere Karam Se Ay ALm-e-Husn-e-Aafreen
Dil Ban Gaya Hai Dost Ki Khilwat Kabhi Kabhi

Dil Ko Kahan Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Josh-e-Junoon Main Dard Ki Tugyaniyon K Saath
Ashkon Main Dhal Gai Teri Surat Kabhi Kabhi

Tere Qareeb Reh k Bhi Dil Mutmayin Na Tha
Guzri Hai Mujh Pe Ye Qayamat Kabhi Kabhi

Kuch apna Hosh Tha Na Tumhara Khayaal Tha
Yun Bhi Guzar Gai Shab-e-Furqat Kabhi Kabhi

Ay Dost Ham Ne Tark-e-Muhabbat Ke Bawajood
Mehsoos Ki Hai Teri Zarurat Kabhi Kabhi

Munir Niazi Poetry | Love Poetry | Characters: 711

hamesha der kar deta hun main

zaruri bat kahni ho
koi wada nibhana ho
use awaz deni ho
use wapas bulana ho
hamesha der kar deta hun main

madad karni ho uski
yar ki dharas bandhana ho
bahut derina raston par
kisi se milne jana ho
hamesha der kar deta hun main

badalte mausamon ki sair main
dil ko lagana ho
kisi ko yad rakhna ho
kisi ko bhul jana ho
hamesha der kar deta hun main

kisi ko maut se pahle
kisi gam se bachna ho
haqiqat aur thi kuch
us ko ja k ye batana ho

hamesha der kar deta hun main

Munir Niazi Poetry | Love Poetry | Characters: 527

Dil Jal Raha Tha Gham Se Magar Nagmagar Raha
Jab Tak Raha Main, Saath Mere Yeh Hunar Raha

Subah-E-Safar Ki Raat Thi, Taare The, Aur Hawa
Saaye Sa Ek, Der Talak, Baam Par Raha

Meri Sada Hawa Mein Bohat Door Tak Gayi
Par Main Bula Raha Tha Jise, Bekhabar Raha

Guzari Hai Kya Maze Se Khayaalon Mein Zindagi
Doori Ka Yeh Tilism Bada Kaargar Raha

Khauf Aasmaan Ke Saath Tha Sar Par Jhuka Hua
Koi Hai Bhi Ya Nahin Hai,Yehi Dil Mein Dar Raha

Is Aakhiri Nazar Mein Ajab Dard Tha ‘Munir’
Jaanay Ka Uske Ranj Mujhe Umr Bhar Raha

Munir Niazi Poetry | Love Poetry | Characters: 543