Love Poetry

Phir bhii hai tumako masihaa_ii kaa daavaa dekho
mujhako dekho, mere marane kii tamannaa dekho

jurm-e-nazzaaraa pe kaun itanii Khushaamad karataa
ab vo ruuThe hai.n lo aur tamaashaa dekho

do hii din me.n vo baat hai na vo chaah na pyaar
ham ne pahale hi ye tum se na kahaa thaa dekho

ham na kahate the banaavaT se hai saaraa Gussaa
ha.Ns ke lo phir vo u.nho.n ne hame.n dekhaa dekho

mastii-e-husn se apanii bhii nahii.n tum ko Khabar
kyaa suno araz merii, haal meraa kyaa dekho

ghar se har vaqy nikal aate ho khole hue baal
shaam dekho na merii jaan saveraa dekho

Khaanaa-e-jaa.N me.n namudaar hai ek paikar-e-nuur
hasarato aao ruKh-e-yaar kaa jalvaa dekho

saamane sab ke munaasin nahii.n ham par ye itaab
sar se Dhal jaaye na Gusse me.n dupaTTaa dekho

mar miTe ham to kabhii yaad bhii tum ne na kiyaa
ab muhabbat kaa na karanaa kabhii daavaa dekho

dosto tark-e-muhabbat kii nasiihat hai fazuul
aur na maano to dil-e-zaar ko samajhaa dekho

sar kahii.n baal kahii.n haath kahii.n paa.No kahii.n
us kaa sonaa bhii hai kis shaan kaa sonaa dekho

ab vo shoKhii se ye kahate hai.n sitamagar jo hai.n ham
dil kisii aur se kuchh roz bahalaa dekho

havas-e-diid miTii hai na miTegii ‘Hasrat’
dekhane ke liye chaaho u.nhe.n jitanaa dekho

Hasrat Mohani Poetry | Love Poetry | Characters: 1279

Be-Zubani Tarjuman-e-Shauq Be-Had Ho To Ho

Warna Pesh-e-Yaar Kaam Aati Hai Taqriren Kahin!

Hasrat Mohani Poetry | Love Poetry | Characters: 93

Phone pe us ki baatain, us ke qehqahey ache lagte hain,
Pal do pal ke sahi, magar yeh rishte ache lagte hain,

Rang jagate jumlon se lagta hai, jese us ko bhi,
Khatti meethi batain karte larke achey lage hain,

Hamain khabar hai sab tabeerain hath na aati pariyan hain,
Phir bhi jaagti aankhon dekhe sapne achey lagte hain,

Motiyon waley mukhre bhi apne ahbaab mein shamil they,
Magar humain to khush’khat saanwley achey lagte hain,

Hum donon mastanon ki ik khawhish milti julti hai,
Mujh ko shehzadi, us ke shehzadey ache lagte hain,

Hassan Raza aakhir aesi ik hoobi hogi, jis ke sabab,
Sheher ki mah’jabenon ko hum itne ache lagte hain,

Kaanch kanwari umron ko jab matti mein rul jana hai
Phir kyon Raza yeh lamha bhar ke mailey achey lagte hain…

Hassan Abbas Raza Poetry | Love Poetry | Characters: 777

Jahan Katre Ko Tarsaya Geya Hun
Wahin Dooba Hua Paya Geya Hun

Ba-Haal-e-Gham-Rahi Paya Geya Hun
Haram Se Deir Mein Laya Geya Hun

Balaa Kaafi Na Thi Ek Zindagi Kee;
Dobara Yaad Pharmaya Geya Hun;

Ba-Rang-e-Lala-e-Veerana Bekaar;
Khilaya Aur Murjhaya Geya Hun;

Agarche Abr-e-Gauhar-Baar Hun Main
Magar Aankhon Se Barsaya Geya Hun

‘Hafeez’ Ahal-e-Zubaan Kab Maante The
Bade Zoron Se Manvaya Geya Hun!

Hafeez Jalandhari Poetry | Love Poetry | Characters: 422

Chahoon To Ab Bhi Janibe-Manzil Palat Chalu

Gumraah Is Liye Hun Ki Rahbar Khafha Na Ho!

Hafeez Jalandhari Poetry | Love Poetry | Characters: 90

Khoon Bar Kar Munasib Nahi Dil Bahe
Dil Nahi Maanta Kaun Dil Se Kahe

Teri Duniya Mein Aaye Bahut Din Rahe
Sukh Ye Paya Ki Hum Ne Bahut Dukh Sahe

Bulbulein Gul Ke Aansu Nahi Chatati;
Un Ko Apni Hi Margoob Hain Chehchahe;

Aalam-e-Nazaa Mein Sun Raha Hun Mein Kya;
Ye Azizon Kee Cheekhe Hain Kya Kehkahe;

Is Naye Husn Kee Bhi Adaon Pe Hum
Mar Mitenge Ba-Sharte Ke Zinda Rahe

Tum ‘Hafeez’ Ab Ghisatne Kee Manzil Mein Ho
Daur-e-Ayyaam Pahiya Hai Gham Hain Rahe!

Hafeez Jalandhari Poetry | Love Poetry | Characters: 481

Kyon Hijr Ke Shikwe Karta Hai Kyon Dard Ke Rone Rota Hai

Ab Ishq Kiya To Sabr Bhi Kar Is Mein To Yahi Kuch Hota Hai!

Hafeez Jalandhari Poetry | Love Poetry | Characters: 119

Kahin Dekhi Hai Shayad Teri Surat Is Se Pahle Bhi
K Guzri Hai Mere Dil Pe Ye Halat Is Se Pahle Bhi

Na Jane Kitne Jalwe Pesh-Rau The Tere Jalwon K
Tujhi Se Barha Ki Hai Mohabbat Is Se Pahle Bhi

Sunati Hain Koi Afsana Teri Sahmagin Nazaren
Hui Hai Mujhse Gustakhana Jurat Is Se Pahle Bhi

Meri Qismat K Main Is Daur Mein Badnam Hun Warna
Wafadari Thi Shart-E-Admiyat Is Se Pahle Bhi

Hafeez Hoshiarpuri Poetry | Love Poetry | Characters: 392

Aj Unhen Kuch Is Tarah Ji Khol Kar Dekha Kiye
Ek Hi Lamhe Mein Jaise Umr Bhar Dekha Kiye

Dil Agar Betab Hai Dil Ka Muqaddar Hai Yahi
Jis Qadar Thi Ham Ko Taufiq-E-Nazar Dekha Kiye

Khudfaroshana Ada Thi Meri Surat Dekhna
Apne Hi Jalwe Ba-Andaz-E-Digar Dekha Kiye

Nashanas-E-Gam Faqat Dad-E-Hunar Dete Rahe
Ham Mata-E-Gam Ko Ruswa-E-Hunar Dekha Kiye

Dekhne Ka Ab Ye Alam Hai Koi Ho Ya Na Ho
Ham Jidhar Dekha Kiye Pehron Udhar Dekha Kiye

Husn Ko Dekha Hai Main Ne Husn Ki Khatir ?Hafeez?
Warna Sab Apna Hi Mear-E-Nazar Dekha Kiyea

Hafeez Hoshiarpuri Poetry | Love Poetry | Characters: 548

Dipak Rag Hai Chahat Apni Kahe Sunayen Tumhen
Ham To Sulagte Hi Rahte Hain Kyon Sulgayen Tumhen

Tark-E-Muhabbat, Tark-E-Tamanna Kar Chukne K Bad
Ham Pe Ye Mushkil An Pari Hai Kaise Bulayen Tumhen

Sannata Jab Tanhai K Zahar Mein Bujhta Hai
Wo Ghariyan Kyon Kar Katti Hain Kaise Batayen Tumhen

Jin Baton Ne Pyar Tumhara Nafrat Mein Badla
Dar Lagta Hai Wo Baten Bhi Bhul Na Jayen Tumhena

Hafeez Hoshiarpuri Poetry | Love Poetry | Characters: 397