Love Poetry

Woh Bhi Bahut Akela Hai Shayad Meri Tarah

Uss Ko Bhi Koi Chahne Wala Nahi Milaa

Bashir Badr Poetry | Love Poetry | Characters: 82

Koi Naa Jaan Saka Woh Kahan Se Aaya Tha
Aur Us Ne Dhoop Se Baadal Ko Kyon Milaya Tha

Yeh Baat Shayad Logon Ko Pasand Aayi Nahin
Makaa’n Chota Tha Lekin Bohat Sajaya Tha

Woh Ab Wahan Hai Jahan Raste Nahin Jate;
Main Jis Ke Sath Yahan Pichle Saal Aya Tha;

Suna Hai Us Pe Chehekne Lage Hain Parindey Bhi;
Woh Aik Pau’daa Jo Hum Ne Kabhi Lagaya Tha;

Chiragh Doob Gaye Kapkapaye Honton Par;
Kisi Ka Hath Hamare Labo’n Tak Aya Tha;

Badan Ko Chorr Ke Jana Hai Aasman Ki Taraf
Samundro’n Ne Humein Yeh Sabaq Parhaya Tha

Tamam Umar Mera Dam Isi Dhuyein Mein Ghutta
Woh Ik Chiragh Thaa Maine Usey Bhujaya Tha!

Bashir Badr Poetry | Love Poetry | Characters: 632

Tum Raah Mein Chupp Chaap Kharrey Ho To Gaye Ho

Kis Kis Ko Batao Gey Ghar Kyun Naheen Jaatey!

Bashir Badr Poetry | Love Poetry | Characters: 96

Jub Raat Ki Tanhayi Dil Ban Ke Dharakti Hai
Yaadon Ke Jharokon Mein Chilman Si Sirakti Hai

Lobaan Mein Chingaari Jaisay Koi Rakh Jaaye
Yun Yaad Teri Shab Bhar Seenay Mein Sulagti Hai

Yun Pyaar Nahi Chhupta, Palkon Ke Jhukaanay Se
Aankhon Ke Lifaafon Mein Tehreer Chamakti Hai

Khush Rang Parindon Ke Lout Aanay Ke Din Aaye
Bichray Howay Miltay Hain, Jab Barf Pighalti Hai

Shohrat Ki Bulandi Bhi, Pal Bhar Ka Tamasha Hai
Jis Daal Pe Bethay Ho, Wo Toot Bhi Sakti Hai

Bashir Badr Poetry | Love Poetry | Characters: 480

Woh Bhi Bohat Akela Hai Shayed Meri Tarah

Us Ko Bhi Koi Chahney Wala Naheen Milaa!

Bashir Badr Poetry | Love Poetry | Characters: 85

Doosron ko hamari sazaayen na de
Chandni raat ko bad’duyain na de,

Phool se aashqui ka hunar seekh le
Titliyan khud rukain gi sadayen na de,

Motiyon ko chupaa sipiyon ki tarah
Bewafaon ko apni wafayen na de,

Main bikhar jaaon ansuyon ki tarah
Is qadar pyar se bad’duyain na de..

Bashir Badr Poetry | Love Poetry | Characters: 295

Na jee bhar ke dekha na kuch baat ki

Barri arzoo thi hum ko mulaaqat ki..

Bashir Badr Poetry | Love Poetry | Characters: 76

Mil Bhi Jate Hain To Katara Ke Nikal Jate Hain
Haye Mausam Ke Tarah Dost Badal Jate Hain

Hum Abhi Tak Hain Giraftar-e-Muhabbat Yaroo
Thokaren Kha Ke Suna Tha Ki Sambhal Jate Hain

Ye Kabhi Apni Jafa Par Na Hua Sharminda;
Hum Samajhate Rahe Pathar Bhi Pighal Jate Hain;

Umr Bhar Jin Ke Vafaon Pe Bharosa Kije
Waqt Padane Pe Wohi Log Badal Jate Hain!

Bashir Badr Poetry | Love Poetry | Characters: 360

Baat Karni Mujhe Mushkil Kabhi Aisi To Na Thi
Jaisi Ab Hai Teri Mehfil Kabhi Aisi To Na Thi

Le Geya Cheen Ke Kaun Aaj Tera Sabr-o-Qaraar
Beqarari Tujhe Ai Dil Kabhi Aisi To Na Thi

Chashm-e-Qatil Meri Dushman Thi Hamesha Lekin;
Jaise Ab Ho Gayi Qatil Kabhi Aisi To Na Thi;

Un Kee Aankhon Ne Khudaa Jaane Kiya Kya Jadoo;
Ki Tabiyat Meri Maail Kabhi Aisi To Na Thi;

Aks-e-Rukh-e-Yaar Ne Kis Se Hai Tujhe Chamakaya;
Taab Tujh Mein Maah-e-Kaamil Kabhi Aisi To Na Thi;

Kya Sabab Tu Jo Bigadta Hai ‘Zafar’ Se Har Baar;
Khoo Teri Hoor-e-Shamaail Kabhi Aisi To Na Thi!

Bahadur Shah Zafar Poetry | Love Poetry | Characters: 584

Tum Na Aaye Ek Din Ka Vadaa Kar Do Din Talak
Ham Pade Tadpa Kiye Do-Do Pahar Do Din Talak

Dard-e-Dil Apna Sunata Hun Kabhi Jo Ek Din
Rehta Hai Us Naazneen Ko Dard-e-Sar Do Din Talak

Dekhte Hain Khwab Mein Jis Din Kisoo Kee Chashm-e-Mast;
Rehte Hain Hum Do Jahaan Se Bekhabar Do Din Talak;

Gar Yaqeen Ho Ye Humein Aayega Tu Do Din Ke Baad;
To Jiyen Hum Aur Is Ummeed Par Do Din Talak;

Kya Sabab Kya Vaasta Kya Kaam Tha Batalaiye;
Ghar Se Jo Nikale Na Apne Tum “Zafar” Do Din Talak!

Bahadur Shah Zafar Poetry | Love Poetry | Characters: 501