Love Poetry

Kesa khaufnaak sa manzar hai keyi sadiyon se,
Mera qadmon pe mera sar hai keyi sadiyon se,

Khauf rehta hai na sailaab kahin le jaye,
Meri palkon pe mera tera ghar hai keyi sadiyon se,

Ashk aankhon mein sulagtey huye so jatey hain,
Yeh meri aankh jo banjar hai keyi sadiyon se,

Kaun kehta hai mulaqat meri aaj ki hai,
Tu meri rooh ke andar hai keyi sadiyon se,

Mene jis ke liye har kisi ko naraaz kiya,
Rooth jaye na yehi dar hai keyi sadiyon se,

Uss ko aadat hai jarr’en* kaat’tey rehne ki Wasi,
Jo meri zaat ka mehwar* hai keyi sadiyon se..

Wasi Shah Poetry | Love Poetry | Characters: 566

Abhi kuch bhi nahin badla,
Darakhton par wohi mausam abi tak muskuratey hain,
Abhi tak surmeyi shamain hamarey sath roti hain,
Abhi tak mere honton per tumhare honton ki khushbu
Raqss karti hai,

Abhi tak meri ankhon mein tumhare khawb hanstey hain,
Abhi tak mere hathon per tumhari ungliyon
ki narm pooron se likhey sab harf
zinda hain,

Abhi tak mere seeney mein tumhari saans chalti hai,
Abhi to raston par doodhiya pairon se parney waley
sarey naqsh qayem hain,

Abhi almaariyon mein sarey tohfey gungunatey hain,
Tumhare khat abhi bhi raat ki tanhai mein mujh se,
Tumhari baat kartey hain,

Bohat se saal guzrey hain,
Bohat se waqt beeta hai,
Meri chahat nahin beeti,
Meri himmat nahin guzri,
Abhi kuch bhi nahin badla,
Abhi kuch bhi nahin badla,

Agar chaho,
Agar samjho,
Meri maano,
To laut aao…

Wasi Shah Poetry | Love Poetry | Characters: 833

Apna to chahton mein yehi ik asool hai,
Tera bhalaa bura humain sab kuch qubool hai,

Yeh umar bhar ka jaagna bekaar hi na jaye,
Tu naa mila to saari reyaazat fazool hai,

Khud hi kaha tha tu ne meri jaan chorr de,
Ab chorr di to kyon tera chehra malool hai,

Aye Maan yeh meri shohrtain meri yeh iztain,
Kuch bhi nahin bass tere kadmon ki dhool hai,

Aayi jo teri yaad to aankhain barass parri,
Iss waqt tere dard ka dil per nazool hai,

Ik doosrey ke waastey dono baney Wasi,
Guldaan mera dil hai teri yaad phool hai..

Wasi Shah Poetry | Love Poetry | Characters: 536

Ajeeb saanehaa guzraa hai mujh pe aaj ki sham,
Main aaj shaam tumhare hijar main udaas na tha,

Ab aik saal to yeh aik gham hi kaafi hai,
Tumhari salgiraah par bhi tumhare paas na tha..

Wasi Shah Poetry | Love Poetry | Characters: 189

Maan lai ab bhi meri jaan-e-adaa, dard na chun,
Kaam aati nahin phir koi duaa, dard na chun,

Aur kuch dair mein mujh ko chale jana hoga,
aur kuch dair mujhe khawab dikha, dard na chun,

Aik bhi dard na kam hoga keyi sadiyon mein,
Ab bhi kehta hoon tujhe waqt bachaa, dard na chun,

Woh jo likha hai kisi taur nahin ttal sakta,
Aa mere dil main koi deep jala, dard na chun,

Main tere lamss se mehroom na rah jaaon kahin,
Aakhri baar mujhe khud se laga, dard na chun,

Ab to yeh raishmi purain bhi chaddi jati hain,
Khud ko ab bakhssh bhi de, zulm na dhaa, dard na chun,

Yeh nahin hon ge to khali nahin ho jaon ga mein,
Mere zakhmon se koi geet bana, dard na chun,

Kuch na de ga yeh masaayel se ulajhtey rehna,
Chorr sab kuch meri banhon mein samaa, dard na chun..

Wasi Shah Poetry | Love Poetry | Characters: 788

Sari raat ki jaagi aankhein,
College mein kiya parrhti hon gi,
Yunhi khoye, dil hi dil mein,
Jaanay kiya kiya karti hon gi,

Sari raat ki jaagi aankhen,
Koi bolay, kaan na dharna,
Koi hillay to ek dam darna,
Koi daikhe in ka barhna,
Apne aap say larti hon gi,

Sari raat ki jagi aankhein,
Apni kitaabein phartey rehna,
Us ki baaten kartey rehna,
Us ki yaadein ghartey rehna,
Jeetay jeetay marti hon gi,

Sari raat ki jagi aankhein,
College mein kiya parrhti hon gi..

Wasi Shah Poetry | Love Poetry | Characters: 484

Kahan Tak Aankh Royegi Kahan Tak Kiska Gham Hoga;
Mere Jaisa Yahan Koi Na Koi Roz Kam Hoga;
Tujhe Paane Kee Koshish Mein Kuch Itna Ro Chuka Hun Main;
Ki Tu Mil Bhi Agar Jaye To Ab Milne Ka Gham Hoga!

Wasim Barelvi Poetry | Love Poetry | Characters: 202

Udaan Walo, Udaanon Pe Waqt Bhaari Hai;

Paron Kee Abki Nahi, Haunslon Kee Bari Hai!

Wasim Barelvi Poetry | Love Poetry | Characters: 86

Zara Sa Qatra Kahin Aaj Agar Ubharta Hai;
Samandaron Hi Ke Lehje Mein Baat Karta Hai;

Khuli Chhaton Ke Diye Kab Ke Bujh Gaye Hote;
Koi To Hai Jo Hawaon Ke Par Katarta Hai;

Sharafaton Kee Yahan Koi Ahemiyat Hi Nahi; Kisi Ka Kuch Na Bigado To Kaun Darta Hai;

Zameen Kee Kaise Viqaalat Ho Phir Nahi Chalti;
Jab Aasmaan Se Koi Faisala Utarta Hai;

Tum Aa Gaye Ho To Phir Kuch Chandni Si Baatein Hon;
Zameen Pe Chand Kahan Roz Roz Utarta Hai!

Wasim Barelvi Poetry | Love Poetry | Characters: 452

Usulon Pe Jahan Aanch Aaye Thakarana Zaruri Hai
Jo Zinda Hon To Phir Zinda Nazar Aana Zaruri Hai

Nai Umron Ke Khudmukhtariyon Ko Kon Samajhaye
Kahan Se Bach Ke Chalana Hai Kahan Jana Zaruri Hai

Thake Hare Parinde Jab Basere Ke Liye Laute
Saliqamand Shakhon Ka Lachak Jana Zaruri Hai

Bahut Bebak Aankhon Mein Ta’alluq Tik Nahi Pata
Muhabbat Mein Kashish Rakhane Ko Sharmana Zaruri Hai

Saliqa Hi Nahi Shayad Use Mahasus Karne Ka
Jo Kehta Hai Khuda Hai To Nazar Aana Zaruri Hai

Mere Honton Pe Apni Pyas Rakh Do Aur Phir Socho
Ki Is Ke Bad Bhi Duniya Mein Kuch Pana Zaruri Hai

Wasim Barelvi Poetry | Love Poetry | Characters: 595