Love Poetry

Lamha Bhar Apna Hawaon Ko Bananay Waalay
Ab Na Aayein Ge Palat Kar Kubhi Jaanay Waalay

Kia Milay Ga Tujhe Bikhray Howay Khwaabon Ke Siwa ?
Ay Rait Pe Chaand Ki Tasveer Banaanay Waalay

Sab Ne Pehna Tha Baday Shoq Se Kaghaz Ka Libaas
Jis Qadar Loog Thay Baarish Mein Nahaanay Waalay

Mar Gaye Hum Tou Ye Qutbay Pe Likha Jaye Ga
So Gaye Aap Zamaanay Ko Jagaanay Waalay

Dar-o-Deewaar Pe Hasrat Si Barasti Hai “Qateel”
Jaanay Kis Dais Gaye Pyaar Nibhaanay Waalay ?

Qateel Shifai Poetry | Love Poetry | Characters: 479

Teri khushbuu meri saanson main basaaney aye,
Dil ki dunya mein baharon ke zamaney aaye,

Yeh alag baat hai ke tabeer na de sath mera,
Khawb to jitne bhi aaye woh suhaaney aye,

Woh hai maghroor magar pyar se majboor bhi,
Khud hi naraaz kare khud hi mananey aaye,

Kyon tarss aya hai us ko meri tanhai par,
Woh mujhe meri nazar se na giraaney aye,

Woh bataye na mujhe apne bicharne ka sabab,
Us se keh do woh mera dil na jalaney aye,

Pyaar kya hota hai ab tak mujhe maloom na tha,
Chott khayi to mere hosh thikaaney aye,

Jo mera dil bhi sajaa de mere chehre pe Qateel,
Woh mussawar* meri tasveer bananey aye..

Qateel Shifai Poetry | Love Poetry | Characters: 631

Siskian Leti Howi Ghamgeen Hawaon, Chup Raho
So Rahain Hain Dard, In Ko Mat Jagao, Chup Raho

Raat Ka Pathar Na Pighlay Ga Shuaaon Ke Bagair
Subaah Honay Tak Na Bolo Ham Nawao, Chup Raho

Band Hain Sab Mai Kaday, Saaqi Banay Hain Mohtasib
Ay Garajti Goonjti Kaali Ghataaon,Chup Raho

Tum Ko Hai Maaloom Aakhir Kon Sa Mausam Hai Ye
Fasl-e-Gul Aanay Talak Ay Khushnawao, Chup Raho

Soch Ki Deewaar Se Lag Kar Hain Gham Baithay Howay
Dil Mein Bhi Naghma Na Koi Gungunao, Chup Raho

Chhat Gaye Haalaat Ke Baadal Tou Dekha Jaaye Ga
Waqt Se Phele Andhairay Mein Na Jao, Chup Raho

Kiun Shareek-e-Gham Banaatay Ho Kisi Ko Ay “Qateel” ?
Apni Sooli Apne Kaandhay Per Uthaao, Chup Raho

Qateel Shifai Poetry | Love Poetry | Characters: 698

Tere mehndi lage hathon pe mera naam likha hai,
Zara se lafzz main kitna paighaam likha hai,

Yeh teri shaan ke shayaa’n nahin lekin majboori,
Teri masti bhari ankhon ko mene jaam likha hai,

Main shayar hoon, magar agey na barh paya riwayat se,
Labon ko pankhrri*, zulfon ko mene shaam likha hai,

Mujhe maut aaye gi jab bhi tere pehluu main ayegi,
Tere gham ne bohat acha mera anjaam likha hai,

Meri qismat mein hai ik din griftaar-e-wafaa hona,
Mere chehre pe tere pyaar ka ilzaam likha hai,

Qateel ik khubsurat buut* hai, main jis ka pujaari* hoon,
Mere mazhab ke khaaney mein magar Islam likha hai..

Qateel Shifai Poetry | Love Poetry | Characters: 624

Ho na ho yeh koi sach bolney wala hai Qateel,
Jis ke hathon mein qalam, paon mein zanjeerein hain..

Qateel Shifai Poetry | Love Poetry | Characters: 100

Yeh mojza bhi muhabbat kabhi dikhaye mujhe..
Kay sang tujh pe girain aur zakham aye mujhe..

Main ghar se teri tamanna jub pehan k niklun..
Barhana shehr main koe nazar na aye mujhe..

Wo mera dost hai saray jahan ko hai maloom..
Dagha karay wo kisi se to sharm aye mujhe..

Wo mehrbaan hai to iqraar kyu nahi kerta..
Wo bdguman hai to so bar azmaye mujhe..

Main apni zaat main neelam horaha hun QATEEL,
Gham-e-hayaat se keh do k kharid laye mujhe..

Qateel Shifai Poetry | Love Poetry | Characters: 463

Ek Se Silsile Hain Sab Hijr Kee Rut Bata Gayi;
Phir Wahi Subah Aayegi Phir Wahi Sham Aa Gayi;
Mere Lahoo Mein Jal Uthe Utne Hi Taza Dam Chirag;
Waqt Kee Sazishi Hawa Jitne Diye Bujha Gayi!

Pirzada Qasim Poetry | Love Poetry | Characters: 191

Tumhein Jafa Se Na Yun Baaz Aana Chahiye Tha;

Abhi Kuch Aur Mera Dil Dukhana Chahiye Tha!

Pirzada Qasim Poetry | Love Poetry | Characters: 92

Bedili se hansne ko khush-dili na samjha jaye
gam se jalte chehre ko raushni na samjha jaye

gaha gaha wahshat main ghar ki simt jata hun
isko dasht-e-hairat se wapsi na samjha jaye

lakh khushguman duniya bahimi talluq ko
dosti kahen lekin dosti na samjha jaye

ham to bas ye kahte hain roz jine marne ko
ap chahen kuch samjhen zindagi na samjha jaye

khak karne walon ki kya ajib khwahish thi
khak hone walon ko khak hi na samjha jaye

Pirzada Qasim Poetry | Love Poetry | Characters: 449

Kissi Harf Main Kisi Baab Mein Nahi Aaye Ga,

Tera Zikar Meri Kitab Mein Nahi Aaye Ga!

Noshi Gilani Poetry | Love Poetry | Characters: 88