Love Poetry

Hamaray Bas Mein Agar Apne Faislay Hotay
Tou Hum Kubhi Ke Gharon Ko Palat Gaye Hotay

Qareeb Reh Ke Sulaghnay Se Kitna Behtar Tha
Kisi Muqaam Per Hum Tum Bicharr Gaye Hotay

Kubhi Toryat Ko Ham Muthion Mein Bhar Letay
Kubhi Hawaaon Se Apne Mukaalmay Hotay

Hamaray Naam Pe Koi Charaagh Tou Jalta
Kisi Zabaan Pe Hamaray Bhi Tazkaray Hotay

Ham Apna Koi Alag Raasta Bana Letay
Hamaray Dil Ne Agar Hoslay Kye Hotay

Noshi Gilani Poetry | Love Poetry | Characters: 424

Kahbi yeh chup main kabhi meri baat baat main tha,
Tumhara akss meri saari kayenaat mein tha,

Hum ehl-e-ishq bohat bd’gumaan hote hain,
Isi tarah ka koi vasf* teri zaat mein tha..

Noshi Gilani Poetry | Love Poetry | Characters: 186

Tujh se ab aur mohabbat nahin ki ja sakti,
Khud ko itni bhi aziyat nahin di ja sakti,

Jaantey hain ke yaqeen toot raha hai dil par,
Phir bhi ab tarq yeh wehshat ki nahin ja sakti,

Habss ka sheher hai aur is mein kisi bhi surat,
Saans lene ki sahulat nahin di ja sakti,

Roshni ke liye darwaaza khula rakhna hai,
Shab se ab koi ijaazat nahin li ja sakti,

Ishq ne hijar ka azaar to de rakha hai,
Is se barrh kar to reyaayet nahin di ja sakti..

Noshi Gilani Poetry | Love Poetry | Characters: 457

Raaston Mein Rahay Na Ghar Mein Rahay
Umer Bhar Haalat-e-Safar Mein Rahay

Lafz Saaray Charaagh Ban Jayein
Vasf Aisa Mere Hunar Mein Rahay

Zeher Saara Shajar Mein Aa Jaye
Ay Khuda Zindagi Samar Mein Rahay

Is Lye Gardishon Ko Paala Hai
Koi Tou Halqa-e-Asar Mein Rahay

Ek Zamaana Gharon Mein Tha Aabaad
Be-Ghar Ham Teri Nazron Mein Rahay

Noshi Gilani Poetry | Love Poetry | Characters: 351

Meri chahat ki bohat lambi saza do mujhko
Karb e tanhai mein jeeney ki dua do mujheko
fun tumhara tou kisi aur se mansooh howa
koi meri hi ghazal hi akar suna do mujhko
Haal behaal hai, tareek hai mustakbil bhi
Ban pare tum se tou maazi mera la do mujhko
Akhri shama hoon mein bazm e wafa ko logo
Chahey jalne dou mujhe chahe bujha do mujhko
Khud ko rakh ko mein kahin bhool gayi hon shayed
Tum meri zaat se aik bar mila do mujh ko..

Nikhat Iftikhar Poetry | Love Poetry | Characters: 442

Shauq Ko Aazime Safar Rakhiye
Bekhabar Banke Sab Khabar Rakhiye

Chahe Nazrein Ho Aasmanon Par
Paon Lekin Zameen Par Rahkhiye

Baat Hai Kya Yeh Kaun Parkhega
Aap Lehje Ko Purasar Rakhiye

Jaane Kis Waqt Kooch Karna Ho
Apna Saaman Mukhtasar Rakhiye

Dil Ko Khud Dil Se Raah Hoti Hai
Kis Liye Nam A Bar Rakhiye

Baat Hai Kya Yeh Kon Parkhey Ga
Aap Lehjey Ko Pur-Asar Rakhiye

Aik Tuk Mujhko Dekhe Jati Hain
Apni Nazron Pe Kuch Nazar Rakhiye

Nikhat Iftikhar Poetry | Love Poetry | Characters: 457

Dil Mein Na Ho Jurat To Mohabbat Nahi Milti;
Khairat Mein Itni Badi Daulat Nahi Milti!

Nida Fazli Poetry | Love Poetry | Characters: 87

Dushmani Lakh Sahi Khatam Na Kijiye Rishta;

Dil Milen Ya Na Milen Hath Milate Rahiye!

Nida Fazli Poetry | Love Poetry | Characters: 88

Aaj Zara Fursat Paayi Thi Aaj Use Phir Yaad Kiya;
Band Gali Ke Aakhiri Ghar Ko Khol Ke Phir Aabad kiya;

Khol Ke Khidkii Chand Hansa Phir Chand Ne Dono Hathon Se;
Rang Udaye Phool Khilaye Chidiyon Ko Aazad Kiya;

Bade Bade GHam Khade Hue The Raasta Roke Raahon Mein;
Choti Choti Khushiyon Se Hi Hum Ne Dil Ko Shaad Kiya;

Baat Bahut Mamuli Si Thi Uljh Gayi Takraron Mein;
Ek Zara Si Zidd Ne Aakhir Dono Ko Barbaad Kiya;

Danaon Ki Baat Na Maani Kaam Aayi Nadaani Hi;
Suna Hawa Ko Padha Nadi Ko Mausam Ko Ustad Kiya!

Nida Fazli Poetry | Love Poetry | Characters: 528

Jo Hua Ik Bar Woh Har Baar Ho, Aesa Nahin Hota;
Hamesha Aik Hi Se Pyaar Ho, Aesa Nahin Hota;

Har Ik Kashti Ka Apna Hi Tajarba Hota Hai Darya Mein;
Saffar Main Roz Hi Manjhdaar Ho, Aesa Nahin Hota;

Kahani Main To Kirdaaron Ko Jo Chahe Bana Dijiye;
Haqeeqat Bhi Kahaani Kaar Ho, Aesa Nahin Hota;

Kahin To Koi Hoga Jis Ko Apni Bhi Zaroorat Ho;
Har Ik Baazi Mein Dil Ki Haar Ho, Aesa Nahi Hota;

Sikhaa Deti Hain Chalna Thokrain Bhi Raahgiron Ko;
Koi Raasta Sadaa Dushwaar Ho, Aesa Nahin Hota!

Nida Fazli Poetry | Love Poetry | Characters: 505