Love Poetry

Zindagi khawab-e-pareshaan se zeyada to nahin
Is main tabeer bhi mil jaye yeh waada to nahin,

Baat be’baat ulajhney ki yeh huu kesi hai,
Yeh bataa tera bicharrney ka iraada to nahin,

Kon khushbuu ke peechey geya door talak,
Log saada hain magar itney bhi saada to nahin,

Kis khushi se mujhe bheja hai bata surkh gulaab,
Zulm ka yeh teri jaanib se iraada to nahin,

Bewafa hum hi sahi, khud pe bhi kuch ghaur karo,
Be’rukhi aap ki bhi hadh se zeyadaa to nahin..

Fakhira Batool Poetry | Love Poetry | Characters: 480

aj jane ki zid na karo
yun hi pahlu main baithe raho
haye! mar jayenge, ham to lut jayenge
aisi baten kiya na karo

tum hi socho zara kyun na roke tumhen
jan jati hai jab uthke jate ho tum
tum ko apani kasam jan-e-jan
bat itni meri man lo

waqt ki qaid main zindagi hai magar
chand ghariyan yahi hain jo azad hai
in ko kho kar abhi jan-e-jan
umr bhar na taraste raho

kitna masum-o-rangin hai ye sama
husn aur ishq ki aj meraj hai
kal ki kisko khabar jane-jan
rok lo aj ki rat ko

gesuon ki shikan hai abhi shabnami
aur palkon k saye bhi madahosh hain
husn-e-masum ko jane-jan
bekhudi main na rusva karo

Faiyaz Hashmi Poetry | Love Poetry | Characters: 626

Ishq Ko Taqleed Se Aazad Kar
Dil Se Giraya Aankh Se Fariyaad Kar;

Baaz Aa Ai Banda-e-Husn Majaz;
Yun Na Apni Zindagi Barbaad Kar;

Ai Khayalon Ke Makeen Nazron Se Door;
Meri Veeran Khalvatein Abaad Kar;

Naza Mein Hichki Nahi Aayi Mujhe;
Bhulne Wale Khudaa-Raa Yaad Kar;

Husn Ko Duniyaa Kee Aankhon Se Na Dekh;
Apni Ik Tarz-e-Nazar Izaad Kar;

Ishrat-e-Duniya Hai Ik Khwab-e-Bahar;
Kabaa-e-Dil Dard Se Abaad Kar;

Ab Kahan ‘Ehsaan’ Duniya Mein Wafa;
Tauba Kar Nadan Khuda Ko Yaad Kar!

Ehsaan Danish Poetry | Love Poetry | Characters: 509

Ishq Kee Duniya Mein Ek Hungama Barpaa Kar Diya
Ai Khayal-e-Dost Ye Kya Ho Gaya Kya Kar Diya;

Zarre Zarre Ne Mera Afsana Sun Kar Daad Dee;
Main Ne Vahshat Mein Jahaan Ko Tera Shaida Kar Diya;

Toor Par Raah-e-Wafa Mein Bo Diye Kaante Kaleem;
Ishq Kee Vusaat Ko Masdood-e-Taqazaa Kar Diya;

Bistar-e-Mashriq Se Sooraj Ne Uthayaa Apana Sar;
Kis Ne Ye Mehfil Mein Zikr-e-Husn-e-Yaktaa Kar Diya;

Chashm-e-Nargis Jaa-e-Shabnam Khoon Royegi Nadeem;
Maine Jis Din Gulasitan Ka Raaz Ifsaa Kar Diya;

Mudda-e-Dil Kahun ‘Ehasaan’ Kis Umeed Par;
Wo Jo Chahenge Karenge Aur Jo Chaha Kar Diya!

Ehsaan Danish Poetry | Love Poetry | Characters: 602

Gham-E-Hayaat Se Beshak Hai Khudkushii Aasaan
Magar Jo Maut Bhii Sharmaa Gayii To Kyaa Hogaa

Shabaab-E-Laala-O-Gul Ko Pukaarne Vaalo
Khizaan Sarasht-E-Bahaar Aa Gayii To Kyaa Hogaa

Khushii Chhinii Hai To Gham Kaa Hii Etmaad Na Kar
Jo Ruuh Gham Se Bhii Uktaa Gayii To Kyaa Hogaa

Ehsaan Danish Poetry | Love Poetry | Characters: 286

Yun Na Mil Mujh Se Khafa Ho Jaise
Sath Chal Mauj-E-Saba Ho Jaise

Log Yun Dekh Kar Hans Dete Hain
Tu Mujhe Bhool Gaya Ho Jaise

Ishq Ko Shirk Ke Had Tak Na Bada
Yun Na Mil Hum Se Khuda Ho Jaise

Maut Bhi Aayi To Is Naz Ke Sath
Mujhape Ehsaan Kiya Ho Jaise

Aise Anjan Bane Baithe Ho
Tum Ko Kuch Bhi Na Pata Ho Jaise

Hichakiyan Raat Ko Aati Hi Rahin
Tu Ne Phir Yaad Kiya Ho Jaise

Zindagi Bit Rahi Hai “Danish”
Ek Bejurm Saza Ho Jaise

Ehsaan Danish Poetry | Love Poetry | Characters: 457

kabhi mujh ko sath lekar, kabhi mere sath chal kar
vo badal gaye achanak meri zindagi badal kar

huye jis pe meharaban tum koi khushnasib hoga
meri hasraten to nikalin mere ansuon main dhal k

teri zulf-o-ruKh k qurban dil-e-zar dhundta hai
vahi champai ujale vahi surmai dhundalake

koi phul ban gaya hai koi chand koi tara
jo chirag bujh gaye hain teri anjuman main jal k

mere dosto Khudara mere sath tum bhi dhundo
vo yahin kahin chupe hain mere gam ka rukh badal k

teri bejhijhak hansi se na kisi ka dil ho maila
ye nagar hai ainon ka yahan sans le sambhal k

Ehsaan Danish Poetry | Love Poetry | Characters: 580

Roohain tou ik zamana hua ho chuki’n faroht
Kis nar’hh se bikain ge badan, Dekhte raho..

Ehsaan Danish Poetry | Love Poetry | Characters: 93

Main khud pehel karoon ya udhar se ho ibtidaa
Barson guzar gaye hain yehi sochte huye..

Ehsaan Danish Poetry | Love Poetry | Characters: 88

Hua Hai Chaar Sajdon Par Ye Dava Zahidon Tum Ko,

Khuda Ne Kya Tumhare Haath Jannat Bech Dali Hai!

Daag Dehlvi Poetry | Love Poetry | Characters: 100