Love Poetry

Aadat Ke Baad Dard Bhi Dene Laga Maza;

Hans Hans Ke Aah Aah Kiye Ja Raha Hun Main!

Jigar Moradabadi Poetry | Love Poetry | Characters: 85

Har Dum Duayein Dena Har Lehza Aahein Bharna

Un Ka Bhi Kaam Karna Apna Bhi Kaam Karna!

Jigar Moradabadi Poetry | Love Poetry | Characters: 89

Isi Ko Kehte Hain Jannat Isi Ko Dozakh Bhi

Woh Zindagi Jo Haseeno Ke Darmiyan Guzre!

Jigar Moradabadi Poetry | Love Poetry | Characters: 87

Deedaar Ki Hawas Hai Na Shauq-E-Visaal Hai
Azaad Har Khayal Se Mast-E-Khayal Hai

Keh Do Yeh Kohkan Se Hi Marna Nahi Kamaal,
Mar Mar Ke Hijr-E-Yaar Main Jeena Kamaal Hai

Fatva Diya Hai Mufti Abr-E-Bahaar Ne,
Tauba Ka Khooon Baada-Kashon Ko Halaal Hai;

Aankhen Bata Rahi Hain Jaage Ho Raat Ko,
In Saaghron Mein Buu-E-Sharab-E-Visaal Hai;

Barsaao Teer Mujh Pe Par Itna Jaan Lo,
Pehlu Mein Dil Hai Dil Mein Tumhara Khayal Hai;

Aankhen Lada Ke Un Se Hum Aafaat Mein Pad Gaye,
Aankhon Ki Har Zubaan Pe Dil Ka Sawaal Hai;

Bhutt Keh Diya Jo Maine To Ab Bolte Nahin,
Itni Si Baat Ka Tumhe Itna Khayal Hai;

Pucha Jo Unse Jaante Ho Tum Jaleel Ko,
Bole Ke Haan Woh Shayer-E-Naazuk-Khayal Hai!

Jaleel Manikpuri Poetry | Love Poetry | Characters: 709

Aise Chhupne Se Na Chhupna Hi Tha Behtar Tera

Tu Hai Parde Mein Magar Zikr Hai Ghar Ghar Tera!

Jaleel Manikpuri Poetry | Love Poetry | Characters: 97

Chhup Ke Rehna Hai Jo Sab Se To Ye Mushkil Kya Hai

Tum Mere Dil Mein Raho Dil Kee Tamanna Ho Kar!

Jaleel Manikpuri Poetry | Love Poetry | Characters: 100

Aankh Ladate Hi Hua Ishq Ka Aazaar Mujhe
Chashm Beemaar Teri Kar Gayi Beemaar Mujhe

Dil Ko Zakhmi To Vah Karte Hain Magar Hairat Hai
Nazar Aati Nahi Chalti Hui Talwar Mujhe

Dekhiye Jaan Pe Girti Hai Ki Dil Par Bijli;
Door Se Taak Rahi Hai Nigah-e-Yaar Mujhe;

Garche Sau Baar In Aankhon Se Tujhe Dekha Hai;
Magar Ab Tak Hai Wahi Hasarat-e-Deedar Mujhe;

Mujhko Parwah Nahi Naseh Teri Ghamkhwari Kee,
Gham Salamat Rahe Kafi Hai Yeh Ghamkhwar Mujhe;

Sheesha-o-Jaam Pe Saqi Koi Ilzam Nahi
Teri Aankhein Kiye Deti Hai Gunahagaar Mujhe

Yaar Saqi Ho To Chalta Hai Abhi Daur ‘Jaleel’
Kaun Kehta Hai Ki Peene Se Hai Inkaar Mujhe!

Jaleel Manikpuri Poetry | Love Poetry | Characters: 648

Hamaare Shauq Kii Yah Intehaa Thii
Qadam Rakhaa Ki Manzil Raastaa Thii

Bichhad Ke Daar Se Ban Ban Phiraa Voh
Hiran Ko Apnii Kastuurii Sazaa Thii

Kabhii Jo Khwaab Thaa Voh Paa Liyaa Hai;
Magar Jo Kho Gayii Voh Chiiz Kyaa Thii;

Main Bachpan Men Khilaune Todataa Thaa;
Mere Anjaam Kii Voh Ibtidaa Thii;

Mohabaat Mar Gayii, Mujhko Bhii Gam Hai;
Mere Achchhe Dinon Kii Aashnaa Thii;

Jise Chhuu Luun Main Voh Ho Jaaye Sonaa
Tujhe Dekhaa To Jaanaa Bad-Duaa Thii

Mariiz-e-Khwaab Ko To Ab Shafaa Hai
Magar Duniyaa Badil Kadvil Davaa Thii!

Javed Akhtar Poetry | Love Poetry | Characters: 554

Woh Jo Muskura Ke Mila Kabhi
Toh Yeh Fikr Jaise Mujhe Hui
Kahun Apne Dil Ki Jo Baat Main
Kahin Muskura Ke Na Taal De!

Javed Akhtar Poetry | Love Poetry | Characters: 120

Dil Mein Mehak Rahe Hain Kisi Aarzoo Ke Phool
Palkon Pe Khilnewale Hain Shayad Lahoo Ke Phool

Ab Tak Hai Koi Baat Mujhe Yaad Harf-Harf
Ab Tak Main Chun Raha Hoon Kisi Guftagoo Ke Phool

Kaliyan Chatak Rahi Thi Ki Aawaz Thi Koi;
Ab Tak Sma-Ato Mein Hai Ik Khushguloo Ke Phool;

Mere Lahoo Ka Rang Hai Har Noke-Khar Par
Sehra Mein Har Taraf Hai Meri Justaju Ke Phool

Deewane Kal Jo Log The Phoolon Ke Ishq Mein
Ab Unke Daaman Mein Bharein Hain Rafoo Ke Phool!

Javed Akhtar Poetry | Love Poetry | Characters: 472