Love Poetry

teri ahaton ko taras gain mere jism-o-jan ki samaten
tere ang ang amin loch hai mere dil k soz-o-gadaz ka
mere khun-e-dil se raqam huin tere rang-o-bu ki hikayaten
meri chashm-e-gam dil-e-muztarib gam-e-arazu gam-e-justaju
liye phir raha hun nagar nagar kisi mehraban ki amanaten

Hassan Rizvi Poetry | Love Poetry | Characters: 283

Ye shab-e-firaq ye bebasi hain
ye shab-e-firaq ye bebasi hain qadam qadam pe udasiyan
mera sath koi na de saka meri hasraten hain dhuan dhuan
main tarap tarap k jiya to kya mere khwab mujh se bichar gaye
main udas ghar ki sada sahi mujhe de na koi taslliyan
chali aisi dard ki andhiyan mere dil ki basti ujar gai
ye jo rakh-si hai bujhi bujhi hain isi mein meri nishaniyan
ye fiza jo gard-o-gubar hai meri bekasi ka mazar hai
main wo phul hun jo na khil saka meri zindagi mein wafa kahan

Hassan Rizvi Poetry | Love Poetry | Characters: 495

kabhi kitabon mein phul rakhna
kabhi darakhton pe nam likhna
hamein bhi hai yad aj tak wo
nazar se harf-e-salam likhna

wo chand chehre wo behki baten
sulagte din the mehakti raten
wo chote-chote se kagzon par
muhabbaton k payam likhna

gulab chehron se dil lagana
wo chupke chupke nazar milana
wo arzuon k khwab bunna
wo qissa-e-natamam likhna

mere nagar ki hasin fizao
kahin jo un k nishan pao
to puchna ye kahan base ho
kahan hain un ka qayam likhna

gai ruton mein ?Hassan? hamara
bas ek hi to ye mashgala tha
kisi k chehre ko subah kahna
kisi ki zulfon ko sham likhna

Hassan Rizvi Poetry | Love Poetry | Characters: 596

Aur Bhi Ho Gaye Begana Wo Gaflat Karke
Aazamaya Jo Unhein Tark-e-Mohabbat Karke

Dil Ne Chhodaa Hai Na Chhode Tere Milne Ka Khayal
Baaraha Dekh Liya Humne Malamat Karke

Ruh Ne Payi Hai Takleef-e-Judai Se Nijaat
Aapki Yaad Ko Saramaya-e-Rahat Karke

Chhed Se Ab Wo Ye Kehte Hain Ki Sambhlo ‘Hasarat’
Sabr-o-Taab-e-Dil-Beemaar Ko Garat Karke!

Hasrat Mohani Poetry | Love Poetry | Characters: 355

Aaine Mein Wo Dekh Rahe The Bahaar-e-Husn;

Aaya Mera Khayal To Sharma Ke Reh Gaye!

Hasrat Mohani Poetry | Love Poetry | Characters: 85

Chori Chori Humse Tum Aa Kar Mile The Jis Jagah

Muddatein Guzri Par Ab Tak Wo Thikana Yaad Hai!

Hasrat Mohani Poetry | Love Poetry | Characters: 98

Chup Ke Se Usne Jo Khud-Numai Kee
Intiha Thi Ye Dilrubi Kee

Mail-e-Ghamza Hai Wo Chashm-e-Siyaah
Ab Nahi Khair Parsayi Kee

Hum Se Kyonkar Wo Aastana Chhute;
Muddaton Jis Pe Jabha-Sai Kee;

Dil Ne Barson Ba-Justju-e-Kamaal;
Koocha-e-Ishq Mein Gadaai Kee;

Daam Se Un Ke Chutna To Kahan;
Ya Hawas Bhi Nahi Rihai Kee;

Ho Ke Nadim Wo Baithe Hain Khamosh;
Sulh Mein Shan Hai Ladai Kee;

Us Taghaful-Shiar Se ‘Hasrat’;
Hum Mein Taqat Nahi Judai Kee!

Hasrat Mohani Poetry | Love Poetry | Characters: 469

Aaine Mein Woh Dekh Rahe The Bahar-e-Husn

Aaya Mera Khayal To Sharma Ke Reh Gaye!

Hasrat Mohani Poetry | Love Poetry | Characters: 84

Chupke chupke raat din aansuu bahanaa yaad hai
Ham ko ab tak aashiqii kaa vo zamaanaa yaad hai

Baahazaaraan iztiraab-o-sad-hazaaraan ishtiyaaq
Tujhase vo pahale pahal dil kaa lagaanaa yaad hai

Tujhase milate hii vo kuch Bebaak ho jaanaa meraa
Aur teraa daatoon mein vo Ungalii dabaanaa yaad hai

Khiinch lenaa vo meraa parde kaa konaa daffaatan
Aur Dupatte se teraa vo Moonh Chhupaanaa yaad hai

Jaan kar sotaa tujhe vo qasa-e-paabosii meraa
Aur teraa Thukaraa ke sar vo muskuraanaa yaad hai

Tujh ko jab tanhaa kabhii paanaa to az_raahe-lihaaz
Hal-e-dil baatoon hii baatoon mein jataanaa yaad hai

Jab sivaa mere tumhaaraa koii diivaanaa na thaa
Sach kaho kyaa tum ko bhii vo kaarKhaanaa yaad hai

Gair kii nazaroon se bachakar sab kii marzii ke Khilaaf
Vo teraa chorii chhipe raatoon ko aanaa yaad hai

Aa gaya gar vasl kii shab bhii kahiin zikr-e-firaaq
Vo teraa ro ro ke mujhako bhii rulaanaa yaad hai

Do-pahar kii dhuup mein mere bulaane ke liye
Vo teraa kothe pe nange paaoon aanaa yaad hai

Dekhanaa mujhako jo bargashtaa to sau sau naaz se
Jab manaa lenaa to phir Khud ruuTh jaanaa yaad hai

Chori Chori ham se tum aa kar mile the jis Jagah
Muddatein Guzariin par ab tak wo Thikaanaa yaad hai

BeruKhii ke Saath sunaanaa Dard-e-Dil kii dastaan
Aur teraa hathoon mein vo kangan ghumaanaa yaad hai

Vaqt-e-RuKhsat Alvidaa kaa Lafz Kahane ke liye
Vo Tere Sukhe Laboon kaa thar-tharaanaa yaad hai

Baavajuud-e-iddaa-e-ittaqaa ‘Hasrat’ mujhe
Aaj tak ahad-e-havas kaa ye fasaanaa yaad hai

Hasrat Mohani Poetry | Love Poetry | Characters: 1540

Yaad hai.n saare vo aish-e-baafaraaGat ke maze
dil abhii bhulaa nahii.n aaGaaz-e-ulfat ke maze

vo saraapaa naaz thaa begaanaa-e-rasm-e-jafaa
aur mujhe haasil the lutf-e-benihaayat ke maze

husn se apane vo Gaafil thaa mai.n apane ishq se
ab kahaa.N se laauu.N vo naa-vaaqfiyat ke maze

merii jaanib se nigaah-e-shauq kii betaabiyaa.N
yaar kii jaanib se aaGaaz-e-sharaart ke maze

yaad hai.n vo husn-o-ulfat kii niraalii shoKhiyaa.N
iltamaas-e-uzr-o-tamahiid-e-shikaayat ke maze

sehate.n laakho.n merii biimaarii-e-Gam par nisaar
jis me.n uThe baarahaa un kii ayaadat ke maze

Hasrat Mohani Poetry | Love Poetry | Characters: 592