Love Poetry

Yaad Aata Hai Roz-o-Shab Koi
Ham Se Rootha Hai Be-Sabab Koi

Lab-e-Jo Chhaon Mein Darakhton Ki
Wo Mulaaqaat Thi Ajab Koi

Jab Tujhe Pehli Baar Dekha Tha
Wo Bhee Tha Mausam-e-Tarb Koi

Kuch Khabar Le Kar Teri Mehfil Se
Door Betha Hai Jaan-e-Balab Koi

Na Gham-e-Zindagi Na Dard-e-Firaaq
Dil Mein Yunhi Si Hai Talab Koi

Yaad Aati Hai Door Ki Baatain
Pyaar Se Dekhta Hai Jab Koi

Chout Khaayi Hai Baar-Haa Laikin
Aaj Tou Dard Hai Ajab Koi

Jin Ko Mitna Tha Mit Chukay Nasir
Un Ko Ruswa Karay Na Ab Koi

Nasir Kazmi Poetry | Love Poetry | Characters: 521

Be-Karaan Tanhaayion Ka Silsila Reh Jaaye Ga
Tere Mere Darmiyaan, Bas Ik Khalaa Reh Jaaye Ga

Aks Beh Jaayein Ge Saaray Dhoop Ke Sailaab Mein
Aur Koi Paanion Mein Jhaankta Reh Jaaye Ga

Mujh Ko Mere Hamsafar Aisa Safar Darpaish Hai
Raasta Kat Bhee Gaya Tou Faasla Reh Jaaye Ga

Loog So Jaayein Ge Khamoshi Ki Chaadar Orh Kar
Chaand Soonay Aanganon Mein Jaagta Reh Jaaye Ga

Jo Kubhi Os Ne Parheen Theen Mujh Se Nasir Maang Kar
Naam Mera Un Kitaabon Mein Likha Reh Jaaye Ga

Nasir Kazmi Poetry | Love Poetry | Characters: 485

Bhari dunya mein jee nahin lagta,
Jaane kis cheez ki kami hai abhi..

Nasir Kazmi Poetry | Love Poetry | Characters: 69

Yun Baitha Hun Dil Ke Daagh Se Khush
Jaisay Bacha Charaagh Se Khush

Jab Taaron Ki Shamain Jhilmilain
Saaqi Ne Kia Ayaagh Se Khush

Gham Chorh Gaya Jisay Jagaa Kar
Wo Dil Na Howa Faraagh Se Khush

Ab Naala-e-Dil Na Chairh Bulbul
Ye Baagh Hai Shor-e-Zaagh Se Khush

Ab Raas Hai Ka Kunj-e-Gham Hee “Nasir”
Ab Dil Nahi Sair-e-Baagh Se Khush

Nasir Kazmi Poetry | Love Poetry | Characters: 354

Teri Zulfon Ke Bikharnay Ka Sabab Hai Koi
Aankh Kehti Hai Tere Dil Mein Talab Hai Koi

Aanch Aati Hai Tere Jism Ki Uryaani Se
Pairhan Hai Ke Sulagti Howi Shab Hai Koi

Hosh Uraanay Lageen Phir Chaand Ki Thandi Kirnain
Teri Basti Mein Hun Ya Khwaab-e-Tarb Hai Koi

Geet Banti Hai Tere Sheher Ki Bharpoor Hawa
Ajnabi Mein Hee Nahi TU Bhee Ajab Hai Koi

Lye Jaati Hain Kisi Dehaan Ki Lehrain “Nasir”
Door Tak Silsila Taak-e-Tarb Hai Koi

Nasir Kazmi Poetry | Love Poetry | Characters: 450

Juda huye hain bohat log ik tum bhi sahi,
Ab itni si baat pe kya zindagi haraam karain..

Nasir Kazmi Poetry | Love Poetry | Characters: 89

Jab tak ham masroof rahe yeh dunya thi sunsaan,
Din dhalte hi dheyaan mein aye kese kese log ..

Nasir Kazmi Poetry | Love Poetry | Characters: 96

Sheher ki be’chiraag* galiyon mein,
Zindagi tujh ko dhoondti hai abhi..

Nasir Kazmi Poetry | Love Poetry | Characters: 74

Sheher mein humdum puraaney bohat they Nasir,
Waqt parrne pe mere kaam na aaya koi..

Nasir Kazmi Poetry | Love Poetry | Characters: 85

Kuch Tou Ehsaas-e-Ziyaan Tha Phele
Dil Ka Ye Haal Kahan Tha Phele

Ab Tou Manzil Bhi Hai Khud Garm-e-Safar
Har Qadam Sang-e-Nishaan Tha Phele

Safar-e-Shoq Ke Farsang Na Pooch
Waqt Be-Qaid Makaan Tha Phele

Ye Alag Baat Ke Gham Raas Hai Ab
Is Mein Andaisha-e-Jaan Tha Phele

Yun Na Ghabraye Howay Phirtay Thay
Dil Ajab Kunj-e-Amaan Tha Phele

Ab Bhi TU Paas Nahi Hai Laikin
Is Qadar Door Kahan Tha Phele

Dairay Daalay Hain Bagolon Ne Jahan
Os Taraf Chashm-e-Rawaan Tha Phele

Har Kharab Ye Sadaa Deta Hai
Mein Bhi Aabaad Makaan Tha Phele

Kia Se Kia Ho Gayi Dunya Pyaaray
TU Waheen Per Hai Jahaan Tha Phele

Ham Ne Aabaad Kia Mulk-e-Sukhan
Kaisa Sunsaan Samaa Tha Phele

Ham Ne Bakshi Hai Khamoshi Ko Zabaan
Dard Majboor-e-Fugaan Tha Phele

Ham Ne Roshan Kia Maamoor-e-Gham
Warna Har Simt Dhuwaan Tha Phele

Gham Ne Phir Dil Ko Jagaya “Nasir”
Khana-e-Barbaad Kahan Tha Phele

Nasir Kazmi Poetry | Love Poetry | Characters: 916