Parveen Shakir Poetry

Wo to Khushbu hai hawaon mein bikhar jayega
masala phol ka hai phol kidhar jayega

ham to samajhe the ke ek zakhm hai bhar jayega
kyaa Khabar thi ke rag-e-jaan mein utar jayega

vo havaon kii tarah Khaanaa_bajaaN phirata hai
ek jhonkaa hai jo aayegaa guzar jayega

vo jab aayega to phir us kii rafaaqat ke liye
mausam-e-gul mere aangan mein Thahar jayega

aaKhirash vo bhii kahin ret pe baithii hogii
teraa ye pyaar bhii dariyaa hai utar jayega

Teri Khushbu ka pata karati hai
mujh pe ehasan hawa karatii hai

shaab ki tanhai mein ab to aksar
guftagu tujh se rahaa karatii hai

dil ko us rah pe chalana hi nahin
jo mujhe tujh se juda karati hai

zindagi meri thii lekin ab to
tere kahane mein raha karati hai

us ne dekhaa hii nahiin varnaa ye aankh
dil kaa ehaval kahaa karati hai

beniyaaz-e-kaaf-e-dariya angusht
rait par naam likhaa karati hai

shaam paDate hi kisi shaKhs kii yaad
kuuchaa-e-jaan mein sadaa karati hai

mujh se bhi us ka hai vaisaa hii suluk
haal jo tera ana??? karati hai

dukh huaa karataa hai kuch aur bayan
baat kuch aur hua karati hai

abr barase to inaayat us kii
shaaKh to sirf duaa karati hai

masala jab bhii utha chiragon kaa
faisala sirf hawa karatii hai

Sabz Maddham Roshanii Mein SurKh Aanchal Ki Dhanak
sard kamare mein machalatii garm saanson kii mahak

baazuuon ke sakht halqe mein koii naazuk badan
silvaTen malabuus par aaNchal bhii kuchh Dhalakaa huaa

garmii-e-ruKhsaar se dahakii huii ThaanDii havaa
narm zulfon se mulaayam ungaliyon kii chheD chhaaD

surKh honThon par sharaarat ke kisii lamhen kaa aks
reshamii baahon mein chuuDii kii kabhii maddham dhanak

sharmagiin lahajon mein dhiire se kabhii chaahat kii baat
do dilon kii dhaDakanon mein guuNjatii thii ek sadaa

kaaNpate honThon pe thii allaah se sirf ek duaa
kaash ye lamhe Thahar jaayen Thahar jaayen zaraa

sundar komal sapanon kii baaraat guzar gaii jaanaan
dhuup aankhon tak aa pahunchii hai raat guzar gaii jaanaan

bhor samay tak jis ne hamein baaham ulajhaaye rakhaa
wo albelii resham jaisii baat guzar gaii jaanaan

sadaa kii dekhii raat hamein is baar milii to chup ke se
Khaalii haath pe rakh ke kyaa saugaat guzar gaii jaanaan

kis konpal kii aas mein ab tak vaise hii sar-sabz ho tum
ab to dhuup kaa mausam hai barasaat guzar gaii jaanaan

log na jaane kin raaton kii muuraaden maangaa karate hain
apanii raat to vo jo tere saath guzar gaii jaanaan

rukane kaa samay guzar gayaa hai
jaanaa teraa ab Thahar gayaa hai

ruKhsat kii ghadii khadii hai sar par
dil ko_ii do-niim kar gayaa hai

maatam kii fazaa hai shahar-e-dil mein
mujh mein ko_ii shaKhs mar gayaa hai

bujhane ko hai phir se chashm-e-nargis
phir Khvaab-e-sabaa bikhar gayaa hai

bas ik nigaah kii thii us ne
saaraa cheharaa nikhar gayaa hai

Kamaal-e-zabt ko Khud bhii to aazamaauungii
main apane haath se us kii dulhan sajaauungii

supurd kar ke use chaandanii ke haathon
main apane ghar ke andheron ko lauT aauungii

badan ke karb ko vo bhii samajh na paayegaa
main dil mein rouungii aankhon mein muskuraauungii

vo kyaa gayaa ke rafaaqat ke saare lutf gaye
main kis se ruuTh sakuungii kise manaauungii

vo ik rishtaa-e-benaam bhii nahiin lekin
main ab bhii us ke ishaaron pe sar jhukaauungii

bichhaa diyaa thaa gulaabon ke saath apanaa vajuud
vo so ke uThe to Khvaabon kii raakh uthaauungii

ab us kaa fan to kisii aur se manasuub huaa
main kis kii nazm akele mein gungunaauungii

javaz DhuuNDh rahaa thaa naii muhabbat kaa
vo kah rahaa thaa ke main us ko bhuul jaauungii

sama'aton mein ghane jangalon kii saansen hain
main ab kabhii terii aavaaz sun na paauungii

Abr-e-bahaar ne
phuul kaa cheharaa
apane banafshii haath mein lekar
aise chuumaa
phuul ke saare dukh
Khushbuu ban kar bah nikale hain

puraa dukh aur aadhaa chaand
hijr kii shab aur aisaa chaand

itane ghane baadal ke piichhe
kitanaa tanhaa hogaa chaand

merii karavaT par jaag uThe
niind kaa kitanaa kachchaa chaand

seharaa seharaa bhaTak rahaa hai
apane ishq mein sachchaa chaand

raat ke shaayad ek baje hain
sotaa hogaa meraa chaand

paa-ba-gil sab hain rihaaii kii kare tadabiir kaun
dast-bastaa shahar mein khole merii zanjiir kaun

meraa sar haazir hai lekin meraa munsif dekh le
kar rahaa hai mere fard-e-jurm ko tahariir kaun

merii chaadar to chhinii thii shaam kii tanhaaii ne
beridaaii ko merii phir de gayaa tashahiir kaun

niind jab Khvaabon se pyaarii ho to aise ahad mein
Khvaab dekhe kaun aur Khvaabon ko de taabiir kaun

ret abhii pichhale makaanon kii na vaapas aaii thii
phir lab-e-saahil gharaundaa kar gayaa taamir kaun

saare rishte hijraton mein saath dete hain to phir
shahar se jaate hue hotaa hai daamangiir kaun

dushmanon ke saath mere dost bhii aazaad hain
dekhanaa hai khenchataa hai mujh pe pahalaa tiir kaun

mushkil hai ab shahar mein nikale koi ghar se
dastaar pe baat aa gaii hai hotii huii sar se

barasaa bhii to kis dasht ke be-faiz badan par
ik umr mere khet the jis abr ko tarase

is baar jo indhan ke liye kaT ke giraa hai
chiDiyon ko baDaa pyaar thaa us buuDhe shajar se

mehanat merii aaNdhii se to manasuub nahiin thii
rahanaa thaa koi rabt shajar kaa bhii samar se

Khud apane se milane kaa to yaaraa na thaa mujh mein
main bhiiD mein gum ho gaii tanhaaii ke Dar se

benaam musaafat hii muqaddar hai to kyaa Gam
manzil kaa ta'yyun kabhii hotaa hai safar se

pattharaayaa hai dil yuuN ki koi ism paDhaa jaaye
ye shahar nikalataa nahiin jaaduu ke asar se

nikale hain to raste mein kahiin shaam bhii hogii
suuraj bhii magar aayegaa is raah-guzar se