Sad Poetry

Hawaa ke hote huye roshni tu kar jaye,
Meri tarah se koi zindagi tu kar jaye,
Tamaam umar tayeb mein hi basar hogi,
Teri taraf se nazar be-rukhi to kar jaye,
Chiragh-e-dil teh mehraab jaan na chore,
Hawaa ke sath koi dushmani to kar jaye,
Phir is ke baad jahan mein kahin panaah nahin,
Tere huzoor yeh jaan sarkashi tou kar jaye,
Woh dushmani ke bhi kaabil na mujh ko chore ga,
Us aadmi se yeh dil dosti tou ka jaye…

Parveen Shakir Poetry | Sad Poetry | Characters: 427

Waqt ke sath anaasar bhi rahe sazish mein,
Jal gaye pairr kabhi dhoop kabhi barish mein,
Woh tou ik saada-o-kam shauq ka talib nikla,
Hum ne naahiq hi ganwaya usey aarayesh mein,
Zindagi ki koi mehroomi nahin yaad ayi,
Jab talak hu mthey tere qurb ki asaayesh mein,
Aik dunya ka qaseeda tha agarche mere naam,
Lutf aata tha kisi shakhs ki fehmayesh mein,
Us ki ankhen bhi meri tarah se girdi kahin aur,
Khawb ka qarz barh jata hai ik khawish mein…

Parveen Shakir Poetry | Sad Poetry | Characters: 458

Agar ban mein rehna mukadar hai,
Aur yeh aik teh-shuda amar bhi hai,
Ke har ban mein bas bherriye muntazir hain mere,
Tou yeh sochti hoon,
Ke is soorat-e-haal mein,
Kyon na phir,
Apni marzi ke jungle mein ja basoon…

Parveen Shakir Poetry | Sad Poetry | Characters: 223

Kya kya na khawb hijar ke mausam mein kho gaye,
Hum jagte rahe they magar bakht so gaye,
Us ne peyaam bheje to raste mein reh gaye,
Hum ne jo khat likhe woh hawaa burd ho gaye,
Mein sheher e gul mein zakham ka chehra kisey dikhaon,
Shabnam badast log tou kantey chubho gaye,
Aanchal mein phool le ke kahan ja rahi hoon mein,
Jo aney waley log they, woh log to gaye,
Kya janiye ufq ke udhar kya talism hai,
Lautey nahin zameen pe ik baar jo gaye,
Jese badan se qos-e-qaza phootne lagi,
Barish ke haath phool ke sab zakhm dho gaye,
Ankhon mein dheere dheerey utar ke puraney gham,
Palkon main nanhe nanhe sitarey piro gaye,
Woh bachpney ki need tou ab khawb ho gayi,
Kya umar thi ke raat huyi aur so gaye,
Kya dukh they, kon jaan sake ga, nigar-e-shab,
Jo mere aur tere dupatey bhigo gaye..

Parveen Shakir Poetry | Sad Poetry | Characters: 805

Ajnabi logon mein ho tum aur itni door ho,
Aik uljhan si raha karti hai rozaana humain..

Parveen Shakir Poetry | Sad Poetry | Characters: 89

Woh to khushboo hai, hawaon main bikhar jaae ga
Maslaa to phool ka hai phool kidar jaae ga
Hum tou samjhe the ke ik zakhm hai bhar jaae ga
Kya khabar the keh rag e jaan main utar jaae ga
Woh hawaon ki tarhan khana e bajaan phirta hai
Ik jhonka hay jo aye ga, guzar jaae ga
Woh jab aye ga to phir uski rafaqat ke liye
Mousam e gul mere angan main theher jaae ga
Aakhrish woh bhi kahin rait pe bethe honge
Tera yeh pyar bhi daryaa hai utar jaae ga
Mujhko tehzeeb ke barzhak ka bana dia waris
Jurm yeh bhi mere ajdaad ke sar jaae ga

Parveen Shakir Poetry | Sad Poetry | Characters: 540

Nanhi larki,
Sahil ke itne nazdeek,
Rait se apna ghar na bana,
Koi sarkash mauj idhar ayi, to
Tere ghar ki bunyadein tak beh jayen gi,
Aur phir un ki yaad mein tu,
Saari umar udaas rahe gi..

Parveen Shakir Poetry | Sad Poetry | Characters: 198

Gaye baras ki eid ka din kya acha tha,
chaand ko dekh ke uskaa chehra dekha tha
Fazaa mein cactus ke lehjey ki nermahat thi
mausam apne rang mein faiz ka missraah tha
Dua ke be-awaz, ulohi lamhon mein
woh lamhaa bhi kitna dilkashh lamha tha
Haath utha ker jab Aankhoon hi aankhon mein
us ne mujh ko apne Rab se mangaa tha
Phir mere chehre ko haathon mein le ker
kitney pyar se mera maatha chooma tha!
Hawa! kuch aj ki shab ka ahwaal suna
kya woh apni chat per aj akela tha?
Ya koi mere jeisi saath thi, aur uss ne
chand ko dekh ke us ka chehra dekhaa tha?

Parveen Shakir Poetry | Sad Poetry | Characters: 568

Mujhe teri mohabbat ne ajab ik roshni baskhshi,
Mein is dunya ko ab pehle se behter dekh sakti hoon.

Parveen Shakir Poetry | Sad Poetry | Characters: 101

Meri talab tha aik shakhs woh jo nahin mila tou phir
Hath dua se yoon gira, Bhool geya sawaal bhi..

Parveen Shakir Poetry | Sad Poetry | Characters: 100