Sad Poetry

hamaare daramiyaan aisaa koii rishtaa nahiin thaa
tere shaanon pe koii chhat nahiin thii
mere zimme koii aangan nahiin thaa
koii vaadaa terii zanjiir-e-paa banane nahiin paayaa
kisii iqaraar ne merii kalaaii ko nahiin thaamaa
havaa-e-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaaii pe
dekhaa jaaye to
puuraa tasarruf thaa
magar jab aaj tuu ne
raastaa badalaa
to kuchh aisaa lagaa mujh ko
ke jaise tuu ne mujh se bevafaaii kii

Parveen Shakir Poetry | Sad Poetry | Characters: 498

Main kachchii niind men hun
aur apane niim_Khvaabidaa tanaffus mein utaratii
chaandanii kii chaap sunatii hun
gumaan hai
aaj bhii shaayad
mere maathe pe tere lab
sitaare sabaat karate hain

Parveen Shakir Poetry | Sad Poetry | Characters: 201

dil kaa kyaa hai vo to chaahegaa musal sal milanaa
vo sitam_gar bhii magar soche kisii pal milanaa

vaan nahin vaqt to ham bhii hain adiim-ul-fursat
us se kyaa kahiye jo har roz kahe kal milanaa

ishq kii raah ke musaafir kaa muqaddar maaluum
dasht-e-ummiid me.n andeshe kaa baadal milanaa

daaman-e-shab ko agar chaak bhii kar len to kahaan
nuur men Duubaa huaa subah kaa aanchal milanaa

Parveen Shakir Poetry | Sad Poetry | Characters: 405

Dard Kia Hota Hai Batayein Gay Kisi Roz
Kamal Ki Ghazal Tum Ko Sunayein Gay Kisi Roz
Thi Un Ki Zid K Main Jaaoun Un Ko Manane
Mujh Ko Ye Veham Tha Wo Bulayein Gay Kisi Roz
…
Kabi B Maine To Socha B Nahi Tha
Wo Itna Mere Dil Ko Dukhayein Gay Kisi Roz
Har Roz Sheshay Se Yehi Poochta Hoon Main
Kia Rukh Pe Tabassum Sajayein Gay Kisi Roz
Urney Do In Parindon Ko Azaad Fizaon Mein
Tumhare Hon Agar To Lout Aayein Gay Kisi Roz
Apne Sitam Ko Dekh Lena Khud Hi Saqi Tum
Zakhum-E-Jigar Tumko Dekhein Gay Kisi Roz

Parveen Shakir Poetry | Sad Poetry | Characters: 518

Hoon To Khafa Us SE,
Per Janay Phir B Kiyn…?
Na Chaah Kar Bhi Us Ko Chahna Acha Lagta Hai…
Haqeeqat Se Hoon Dhoor,
Ye Mujh Ko Hai Pata…
Per Jaan K Anjaan Rehna Acha Lagta Hai…
Qaayel Nahi Main Ronay Ki Phir B Kabhi Kabhi…
Tanhai Main Kuch Dair Rona Acha Lagta Hai…
Tu MERA Tha,
Tu MERA Hai,
Tu MERA Rahay Ga…
Kuch Pal Is Khawab Mein Khona Acha Lagta Hai….!!

Parveen Shakir Poetry | Sad Poetry | Characters: 384

Wo to khushbu hai hawaon main bikhar jayega
Masla phul ka hai phul kidhar jayega
Ham to samjhe the k ek zakhm hai bhar jayega
Kya khabar thi k rag-e-jan main utar jayega
Wo hawaon ki tarah khanabajan phirta hai
Ek jhonka hai jo ayega guzar jayega
Wo jab ayega to phir us ki rafaqat k liye
Mausam-e-gul mere angan main thahar jayega
Akhir wo bhi kahin ret pe baithi hogi
Tera ye pyar bhi dariya hai utar jayega

Parveen Shakir Poetry | Sad Poetry | Characters: 418

Aadat Hi Bana Li Hai Is Sheher k Logon Nay
Andaaz badal lena,awaaz badal lena
Dunia ki muhabbat main atwaar badal lena
Mosaum jo naya aaye raftaar badal lena
Agyaar wohi rakhna aehbaab badal lena
Aadat hi bana li hai es sheher k logon nay
Rasty main agar milna nazron ko jhooka lena
Awaaz agar do to katra k nikal jana
Har ek say juda rehna har ek say khafa rehna Har ek ka gila karna
Jaty hoye raahi ko manzil ka pata day kar rasty main rula dena
Aadat hi bana li hai es sheher k logon nay.

Parveen Shakir Poetry | Sad Poetry | Characters: 501

Gair To Kiya Apne Liye Bhi Bekar Howe Hum
Ek Khaar K Liye Bhi Boht Khawaar Howe Hum,
Jab Weeran Sabza Zaar Men Ek Phool Aagiya
To kehne Lage Sabhi Raqeeb Khazaan Daar Howe Hum,
Yeh Shekwe Shekayten Nahi Ahwaal Hai Mera
Ab Anjaan Hain Jin K Liye Dildaar Howe Hum,
Afsos k is Ne Wafa Ka Paas Na Rakha
Jis K Liye Khud Se Bhi Gaddaar Howe Hum.

Parveen Shakir Poetry | Sad Poetry | Characters: 346

kamaal-e-zabt ko Khud bhii to aazamauNgii
main apane haath se us kii dulhan sajauNgii
supurd kar ke use chaaNdanii ke haathon
main apane ghar ke aNdheron ko lauT auNgii
badan ke karb ko vo bhii samajh na payega
main dil men rouuNgii aaNkhon men muskurauNgii
vo kyaa gayaa ke rafaaqat ke saare lutf gaye
main kis se ruuTh sakuuNgii kise manauNgii
vo ik rishtaa-e-benaam bhii nahiin lekin
main ab bhii us ke ishaaron pe sar jhukauNgii
bichhaa diyaa thaa gulaabon ke saath apanaa vajuud
vo so ke uThe to Khvaabon kii raakh uThauNgii
ab us kaa fan to kisii aur se manasuub huaa
main kis kii nazm akele men gun_gunauNgii
javaz DhuuNDh rahaa thaa nayii muhabbat kaa
vo kah rahaa thaa ke main us ko bhuul jauNgii

Parveen Shakir Poetry | Sad Poetry | Characters: 720

Suna hai janglon ka bhi koi dastoor hota hai
Suna hai sher ka jab pait bhar jaaye
To wo hamla nahin kerta,
Suna hai jab kisi nadi k paani mainBue k ghonsle ka gandami saaya larazta hai
To nadi ki ro pehli machhilyaan us ko
Parosi maan leti hain,
Hava k taiz jhonke jab darakhton ko hilaate hain
To Meena apne ghar ko bhool ker
Ka?uve k andon ko paron main thaam leti hai
Suna hai Ghonsle se jab koi bacha gire to
Saara jangle jaag jaata hai.
Naddi main baar aa jaaye
Koi Pull toot jaaye
To kisi lakri k takhte per
Gulahri, Saanp, Cheeta aur Bakri
Saath hote hain.
Suna hai janglon ka bhi koi dastoor hota hai,
Khuda-wanda Jaleel-o Mu?atbar, Daana-o Beena Munsif-o Akber,
HUMARE SHAHAR MAIN AB,
JANGLON KA HI KOI DASTOOR NAAFIZ KER..!!

Parveen Shakir Poetry | Sad Poetry | Characters: 753