Zafar Iqbal Poetry

Zafar Iqbal is a famous Indian Urdu poet.He is Born on 1932, in Okara, Pakistan. He is a lawyer and he is write articles to an Urdu newspaper, Daily Jinnah.


Usi Se Aaye Hain Aashob Aasman Wale

Usi Se Aaye Hain Aashob Aasman Wale;
Jise Gubaar Samajhate The Karavan Wale;

Main Apni Dhun Mein Yahan Aandhiyan Uthata Hun;
Magar Kahan Wo Maze Khaak-e-Aashiyan Wale;

Mujhe Diya Na Kabhi Mere Dushmano Ka Pata;
Mujhe Hawa Se Ladhate Rahe Jahan Wale;

Mere Saraab-e-Tamanna Pe Rashk Tha Jin Ko;
Bane Hain Aaj Wahi Bahar-e-Be-Karaan Wale;

Main Nala Hun Mujhe Apne Labon Se Door Na Rakh;
Mujhi Se Zinda Hai Tu Mere Jism-o-Jaan Wale;

Ye Musht-e-Khaak Zafar Mera Pairahan Hi Tu Hai;
Mujhe Zameen Se Darayein Na Kehakashan Wale!

Bewafai Karke Niklun Ya Wafa Kar Jaunga

Bewafai Karke Niklun Ya Wafa Kar Jaunga;
Shehar Ko Har Zaike Se Aashna Kar Jaunga;
Tu Bhi Dhoondega Mujhe Shauq-e-Saza Mein Ek Din;
Main Bhi Koi Khoobsurat Si Khata Kar Jaunga!

Yun Bhi Hota Hai Ki Yak Dam Koi Achha Lag Jaye

Yun Bhi Hota Hai Ki Yak Dam Koi Achha Lag Jaye;

Baat Kuch Bhi Na Ho Aur Dil Mein Tamasha Lag Jaye!

Baat Aisi Bhi Koi Nahi Ki Mohabbat Bahut Jyada Hai

Baat Aisi Bhi Koi Nahi Ki Mohabbat Bahut Jyada Hai;
Lekin Hum Dono Se Us Kee Taqat Bahut Jyada Hai;
Aap Ke Peeche Peeche Phirne Se To Rahe Is Umar Mein Hum;
Raah Pe Aa Baithe Hain Ye Bhi Ghanimat Bahut Jyada Hai!

Khushi Mili To Ye Aalam Tha Bad-Hawasi Ka

Khushi Mili To Ye Aalam Tha Bad-Hawasi Ka;
Ki Dhyan Hi Na Raha Gham Kee Be-Libasi Ka;

Chamak Uthe Hain Jo Dil Ke Kalas Yahan Se Abhi;
Guzar Hua Hai Khayalon Kee Dev-Dasi Ka;

Guzar Na Jaa Yun Hi Rukh Pher Kar Salaam To Le;
Humein To Der Se Daawa Hai Roo-Shanasi Ka;

Khuda Ko Maan Ki Tujh Lab Ke Choomane Ke Siva;
Koi Ilaaj Nahi Aaj Kee Udasi Ka;

Gire Pade Hue Patton Mein Shehar Dhoodhta Hai;
Ajeeb Taur Hai Iss Junglon Ke Baasi Ka!

Kab Woh Zahir Hoga Aur Hairan Kar Dega Mujhe

Kab Woh Zahir Hoga Aur Hairan Kar Dega Mujhe;
Jitni Bhi Mushkil Mein Hun Aasan Kar Dega Mujhe;

Roo-b-Roo Kar Ke Kabhi Apne Mehakte Surkh Honth;
Ek Do Pal Ke Liye Guldaan Kar Dega Mujhe;

Rooh Phoonkega Mohabbat Kee Mere Paikar Mein Woh;
Phir Woh Apne Samne Be-Jaan Kar Dega Mujhe;

Khwahishon Ka Khoon Bahega Sar-e-Bazar-e-Shauq;
Aur Mukammal Be-e-Sar-o-Saman Kar Dega Mujhe;

Munahadim Kar Dega Aa Kar Sari Tameeraat-e-Dil;
Dekhte Hee Dekhte Veeran Kar Dega Mujhe;

Ek Naa-Maujudgi Reh Jayegi Charon Taraf;
Rafta Rafta Iss Qadar Sunsaan Kar Dega Mujhe;

Ya To Mujh Se Woh Chuda Dega Ghazal-Goyi Zafar
Ya Kisi Din Sahab-e-Deevaan Kar Degaa Mujhe!

Yahaan Kisii Ko Bhii Kuchh Hasb e Aarzuu Na Milaa

Yahaan Kisii Ko Bhii Kuchh Hasb-e-Aarzuu Na Milaa;
Kisii Ko Ham Na Mile Aur Ham Ko Tuu Na Milaa;

Ghizaal-e-Ashk Sar-e-Subah Duub-e-Mizhgaan Par;
Kab Apnii Aankh Khulii Aur Lahuu Lahuu Na Milaa;

Chamakte Chaand Bhii The Shahar-e-Shab Ke Aivaan Men;
Nigaar-e-Gham Saa Magar Koii Shamaa-Ruu Na Milaa;

Unhii Kii Ramz Chalii Hai Galii Men Yahaan;
Jinhen Idhar Se Kabhi Izn-e-Guftguu Na Milaa;

Phir Aaj Mai-Kada-e-Dil Se Laut Aaye Hain;
Phir Aaj Ham Ko Thikaane Ka Subuu Na Mila!

Main Bikhar Jaunga Zanjeer Kee Kadiyon Kee Tarah

Main Bikhar Jaunga Zanjeer Kee Kadiyon Kee Tarah;

Aur Reh Jayegi Iss Dasht Mein Jhankar Meri!