Pirzada Qasim Poetry

Pirzada Qasim is a famous Urdu poet.He is Born on 8 February 1943 Dehli, India. He wrote several books in English and Urdu.


Ek Se Silsile Hain Sab Hijr Kee Rut Bata Gayi

Ek Se Silsile Hain Sab Hijr Kee Rut Bata Gayi;
Phir Wahi Subah Aayegi Phir Wahi Sham Aa Gayi;
Mere Lahoo Mein Jal Uthe Utne Hi Taza Dam Chirag;
Waqt Kee Sazishi Hawa Jitne Diye Bujha Gayi!

Tumhein Jafa Se Na Yun Baaz Aana Chahiye Tha

Tumhein Jafa Se Na Yun Baaz Aana Chahiye Tha;

Abhi Kuch Aur Mera Dil Dukhana Chahiye Tha!

Bedili se hansne ko khush-dili na samjha jaye

Bedili se hansne ko khush-dili na samjha jaye
gam se jalte chehre ko raushni na samjha jaye

gaha gaha wahshat main ghar ki simt jata hun
isko dasht-e-hairat se wapsi na samjha jaye

lakh khushguman duniya bahimi talluq ko
dosti kahen lekin dosti na samjha jaye

ham to bas ye kahte hain roz jine marne ko
ap chahen kuch samjhen zindagi na samjha jaye

khak karne walon ki kya ajib khwahish thi
khak hone walon ko khak hi na samjha jaye