Mir Taqi Mir Poetry

Mir Taqi Mir is a famous Urdu poet of the 18th century.He is Born on February 1723 Agra, India.He is Died 21 September 1810 Lucknow,India.


Dil Wo Nagar Nahin Ki Phir Aabaad Ho Sake

Dil Wo Nagar Nahin Ki Phir Aabaad Ho Sake;

Pachtaoge Suno Ho Ye Basti Ujad Kar!

Kya Kahun Tum Se Main Ki Kya Hai Ishq

Kya Kahun Tum Se Main Ki Kya Hai Ishq;
Jaan Ka Rog Hai, Bala Hai Ishq;

Ishq Hi Ishq Hai Jahaan Dekho;
Saare Aalam Mein Bhar Raha Hai Ishq;

Ishq Maashuq Ishq Aashiq Hai;
Yaani Apna Hi Mubtala Hai Ishq;

Ishq Hai Tarz-o-Taur Ishq Ke Taeen;
Kahin Banda Kahin Khuda Hai Ishq;

Kaun Maksad Ko Ishq Bin Pahuncha;
Aarzoo Ishq Wa Mudda Hai Ishq;

Koi Khwaahan Nahi Mohabbat Ka;
Tu Kahe Jins-e-Narwa Hai Ishq;

Meer Ji Zarad Hote Jaate Hain;
Kya Kahin Tum Ne Bhi Kiya Hai Ishq!

Baare Duniya Mein Raho Gham-Zada Ya Shaad Raho

Baare Duniya Mein Raho Gham-Zada Ya Shaad Raho;

Aisa Kuch Kar Ke Chalo Yahan Ki Bahut Yaad Raho!

Ibtadaae Ishq Hai Rota Hai Kya

Ibtadaae Ishq Hai Rota Hai Kya,
Aage Aage Dekhiye Hota Hai Kya.

Qafile Mein Subah Ke Ek Shor Hai,
Yaani Ghaafil Ham Chale Sota Hai Kya.

Sabz Hoti Hi Nahin Yeh Sar Zamin,
Tukhm-E-Khwahish Dil Mein Tu Bota Hai Kya.

Yeh Nishaan-E-Ishq Hain Jaate Nahin,
Daagh Chhaati Ke Abas Dhota Hai Kya.

Ghairat-E-Yousaf Hai Yeh Waqt-E-Aziz,
Mir Isko Raigaan Khota Hai Kya.A

Tum Nahi Fitana Saz Sach Sahab

Tum Nahi Fitana-Saz Sach Sahab

Shahar Pur-Shor is Gulam Se Hai

Koi Tujh Sa Bhi Kash Tujh Ko Mile

Mudda Hum Ko Intaqam Se Hai

Sher Mere Hain Sab Khvas Pasand

Par Mujhe Guftagu Awam Se Hai

Sahal Hai Meer Ka Samajhana Kya

Har Sukhan Usaka Ik Maqam Se Hai

Faqiraana Aae Sadaa Kar Chale

Faqiraana Aae Sadaa Kar Chale
Miyaan Khush Raho Ham Dua Kar Chale

Jo Tujh Bin Na Jeene Ko Kahte The Ham
So Is Ahd Ko Ab Wafa Kar Chale

Koi Naumidana Karte Nigah
So Tum Ham Se Munh Bhi Chhipa Kar Chale

Bahut Aarzoo Thi Gali Ki Teri
So Yaan Se Lahu Mein Naha Kar Chale

Dikhai Diye Yun Ke Bekhud Kiya
Hamen Aap Se Bhi Juda Kar Chale

Jabin Sijda Karte Hi Karte Gayi
Haq-E-Bandgi Ham Ada Kar Chale

Prastash Ki Yaan Taeen Ke Ai But Tujhe
Nazr Mein Sabhon Ki Khuda Kar Chale

Gayi Umr Dar Band-E-Fikr-E-Ghazal
So Is Fan Ko Aisa Bara Kar Chale

Kahen Kya Jo Puchhe Koi Ham Se Mir
Jahaan Mein Tum Ae The Kya Kar Chale

Yaaro Muje Maaf Rakho Main Nashe Mein Hun

Yaaro Muje Maaf Rakho Main Nashe Mein Hun
Ab Do Tu Jaam Khali Hi Do, Main Nashe Mein Hun

Aik Aik Qart-e Dor Main Yunhi Hi Muje Bi Do
Jam-e Sharab Par Na Karo, Main Nashe Mein Hun

Masti Se Barhami Hai Meri, Guftagu Ke Bech
Jo Chaho Tum Bi Muj Ko Kahu, Main Nashe Mein Hun

Ya Hathon Hath Lo Muje, Manind Jaam-e May
Ya Thori Door Sath Chalo, Main Nashe Mein Hun

Maazoor Hun, Jo Paon Mere Be Tarah Pare
Tu Sargaran Tu Muj Se Na Ho, Main Nashe Mein Hun

Nazak Mazaj Aap Qayamat Hain Mir Ji
Joon Shesha Mere Munh Na Lago, Main Nashe Mein Hun

a jayen ham nazar jo koi dam bahut hai yan

a jayen ham nazar jo koi dam bahut hai yan
mohlat basan-e-barq-o-sharar kam bahut hai yan

yak lahza sina kobi se fursat hamein nahin
yani ki dil ke jane ka matam bahut hai yan

ham rah rawan-e-rah-e-fana der rah chuke
waqfa basan-e-subh koi dam bahut hai yan

hasil hai kya siwaye tarai ke dahar mein
uth asman tale se ke shabnam bahut hai yan

is butkade mein mani ka kis se karen sawal
adam nahin surat-e-adam bahur hai yan

ajaz-e-isawi se nahin bahs ishq mein
teri hi bat jan-e-mujassim bahut hai yan

mere hilak karne ka gam hai abas tumhen
tum shad zindagani karo gam bahut hai yan

shayad ke kam subh tak apana khinchena ?Mir?
ahawal aj sham se darham bahut hai yan

Kya kahun tum se main ke kya hai ishq

Kya kahun tum se main ke kya hai ishq,
Jaan ka rog hai, bala hai ishq.

Ishq hi ishq hai jahaan dekho,
Saare aalam mein bhar raha hai ishq.

Ishq maashuq ishq aashiq hai,
Yaani apna hi mubtala hai ishq.

Ishq hai tarz-o-taur ishq ke taeen,
Kahin banda kahin Khuda hai ishq.

Kaun maqsad ko ishq bin pohuncha,
Aarzoo ishq wa mudda hai ishq.

Koi khwaahan nahin mahabbat ka,
Tu kahe jins-e-narawa hai ishq.

Mir ji zarad hote jaate hain,
Kya kahin tum ne bhi kiya hai ishq.

Laga na dil ko kya sunaa nahin tu ne

Laga na dil ko kya sunaa nahin tu ne,

Jo kuch ke Meer ka is aashqui ne haal kiya..