Jaleel Manikpuri Poetry



Deedaar Ki Hawas Hai Na Shauq E Visaal Hai

Deedaar Ki Hawas Hai Na Shauq-E-Visaal Hai
Azaad Har Khayal Se Mast-E-Khayal Hai

Keh Do Yeh Kohkan Se Hi Marna Nahi Kamaal,
Mar Mar Ke Hijr-E-Yaar Main Jeena Kamaal Hai

Fatva Diya Hai Mufti Abr-E-Bahaar Ne,
Tauba Ka Khooon Baada-Kashon Ko Halaal Hai;

Aankhen Bata Rahi Hain Jaage Ho Raat Ko,
In Saaghron Mein Buu-E-Sharab-E-Visaal Hai;

Barsaao Teer Mujh Pe Par Itna Jaan Lo,
Pehlu Mein Dil Hai Dil Mein Tumhara Khayal Hai;

Aankhen Lada Ke Un Se Hum Aafaat Mein Pad Gaye,
Aankhon Ki Har Zubaan Pe Dil Ka Sawaal Hai;

Bhutt Keh Diya Jo Maine To Ab Bolte Nahin,
Itni Si Baat Ka Tumhe Itna Khayal Hai;

Pucha Jo Unse Jaante Ho Tum Jaleel Ko,
Bole Ke Haan Woh Shayer-E-Naazuk-Khayal Hai!

Aise Chhupne Se Na Chhupna Hi Tha Behtar Tera

Aise Chhupne Se Na Chhupna Hi Tha Behtar Tera

Tu Hai Parde Mein Magar Zikr Hai Ghar Ghar Tera!

Chhup Ke Rehna Hai Jo Sab Se To Ye Mushkil Kya Hai

Chhup Ke Rehna Hai Jo Sab Se To Ye Mushkil Kya Hai

Tum Mere Dil Mein Raho Dil Kee Tamanna Ho Kar!

Aankh Ladate Hi Hua Ishq Ka Aazaar Mujhe

Aankh Ladate Hi Hua Ishq Ka Aazaar Mujhe
Chashm Beemaar Teri Kar Gayi Beemaar Mujhe

Dil Ko Zakhmi To Vah Karte Hain Magar Hairat Hai
Nazar Aati Nahi Chalti Hui Talwar Mujhe

Dekhiye Jaan Pe Girti Hai Ki Dil Par Bijli;
Door Se Taak Rahi Hai Nigah-e-Yaar Mujhe;

Garche Sau Baar In Aankhon Se Tujhe Dekha Hai;
Magar Ab Tak Hai Wahi Hasarat-e-Deedar Mujhe;

Mujhko Parwah Nahi Naseh Teri Ghamkhwari Kee,
Gham Salamat Rahe Kafi Hai Yeh Ghamkhwar Mujhe;

Sheesha-o-Jaam Pe Saqi Koi Ilzam Nahi
Teri Aankhein Kiye Deti Hai Gunahagaar Mujhe

Yaar Saqi Ho To Chalta Hai Abhi Daur Jaleel
Kaun Kehta Hai Ki Peene Se Hai Inkaar Mujhe!