Farhat Abbas Shah Poetry

Farhat Abbas Shah is a famous Urdu poet.He is Born on November 15, 1964. He wrote 67 published books.


Jitna Aaya Hai Tere Baad Nazar Baarish Mein

Jitna Aaya Hai Tere Baad Nazar Baarish Mein
Itna Sunsaan Na Tha Pehlay Nagar Baarish Mein

Dhul Gaya Lamhon Mein Saalon Ka Parra Gard-o-Ghubaar
Ho Gaye Aur Bhee Sar-Sabz Shajar Baarish Mein

Tujh Ko Maloom Nahi Royi Howi Aankh Ka Gham
Kar Ke Dekho Tou Kisi Shaam Safar Baarish Mein

Kam Tou Pehlay Bhi Nahi Tha Magar Ay Bichray Howay
Barh Gaya Aur Tere Gham Ka Asar Baarish Mein

Har Taraf Ek Udaasi Si Utar Aati Hai
Kisi Zindaan Mein Dhal Jaata Hai Ghar Baarish Mein

Ay Alamnaak Ghatao Ose Jaa Kar Kehna
Takta Rehta Hai Koi Jaanib-e-Dar Baarish Mein

Is Qadar Rasmi Hai Wo Shakhs Ke Bas Holay Se
Pooch Leta Hai Janaab Aaj Kidher Baarish Mein ?

Mere Dil Ke Shaam Saweray Ho

Mere Dil Ke Shaam Saweray Ho
Ik Baar Kaho Tum Mere Ho

Mujhe Tum Bin Kuch Dikhaayi Na De
Kiun Itnay Ghoor Andheray Ho ?

Mein Panchi Pyaar Ke Deson Ki
Tum Mere Rain Basairay Ho

Mein Maal-o-Manaal Mohabbat Ka
Tum Daaku Chor Lutairay Ho

Kuch Bolo Ya Aazaad Karo
Kiun Khamooshi Se Ghairay Ho ?

Udas Shaamain Ujaar Rastay Kabhi Bulain Tou Laut Aana

Udas Shaamain,Ujaar Rastay Kabhi Bulain Tou Laut Aana
Kisi Ki Aankhon Mein Ratjagon Ke Azaab Aain Tou Laut Aana

Abhi Nayi Wadiyoon,Naye Manzaroon Mein Reh Lo Magar Meri Jaan
Yeh Saray Ik Aik Kar Kay Jab Tum Ko Choor Jain Tou Laut Aana

Jo Shaam Dhaltay Hi Apni Apni Panah Gahoon Ko Lautay Hain
Agar Woh Panchi Kubhi Koi Daastan Sunain Tou Laut Ana

Naye Zamaanon Ka Kurb Orhay Zaeef Lamhay, Nidhaal Yaadain

Tumhaaray Khwaabon Ke Band Kamron Mein Laut Aain Tou Laut Aana

Mein Roz Younhi Hawa Pay Likh Likh Kar Us Ki Janib Ye Bhejta Hoon
Kay Achay Mausam Agar Paharoon Pe Muskurain Tou Laut Aana

Agar Andheron Mein Choor Kar Tum Ko Bhool Jayein Tumharay Sathi
Aur Apni Khatir Hi Apnay Apnay Diye Jalain Tou Laut Aana

Meri Woh Batain TU Jin Pay Hansta Tha Khilkhila Kar
Bicharnay Walay Meri Woh Batain Kabhi Rulain Tou Laut Aana..!

Kahan Dil Qaid Se Chhoota Howa Hai

Kahan Dil Qaid Se Chhoota Howa Hai ?
Abhi Tak Sheher Se Rootha Howa Hai

Hum Kaisay Kahain Is Dil Ko Sacha ?
Hamaaray Saamnay Jhoota Howa Hai

Ksi Ka Kuch Nahi Yahan Per.
Ye Sab Saamaan Loota Howa Hai

Tumhaaray Dil Mein Meri Chaahaton Ka
Koi Tou Beej Sa Phoota Howa Hai

Kisi Ke Naam Lag Jaayein Balaa Se
Ye Dil Phele Se Hee Toota Howa Hai

Hijr Jaari Hai Aur Jeevan Hai

Hijr Jaari Hai Aur Jeevan Hai
Be-Qaraari Hai Aur Jeevan Hai

Khwaahishon Ke Ajeeb Mausam Mein
Aah-o-Zaari Hai Aur Jeevan Hai

Mustaqil Taig Raaigaani Ki
Zarb-Kaari Hai Aur Jeevan Hai

Dard Ne Mautabar Kia Mujh Ko
Burd-Baari Hai Aur Jeevan Hai

Ishq Ke Saamnay Mere Dil Ki
Inkisaari Hai Aur Jeevan Hai

Ek Ek Pal Howa Giraan Mujh Per
Saans Jaari Hai Aur Jeevan Hai

Haalat Ab Apni Ek Muddat Se
Iztaraari Hai Aur Jeevan Hai

Be Qaraari Ke Waar Ke Dar Se

Be-Qaraari Ke Waar Ke Dar Se
Bin Bulaaye Nikal Pade Ghar Se

Ek Tou Kuch Dasht Yaad Aatay Hain
Aur Wo Abar Jo Bohat Barsay

Koi Qaabil Nahi Bharosay Ke
Koi Mehfooz Hee Nahi Shar Se

Loog Tarsay Hain Paanion Ke Lye
Ham Magar Teri Pyaas Ko Tarsay

Aap Ko Yaad Hai Ke Hum Ek Din ?
Lout Aaye Thay Aap Ke Dar Se

Saanson Ki Hararat Se Pighal Jaanay Ka Mausam

Saanson Ki Hararat Se Pighal Jaanay Ka Mausam
Aaya Hai Teri Aanch Mein Jal Jaanay Ka Mausam

Ham Ko Nahi Maaloom Tha Ishq Ka Aaghaaz
Yaadon Mein Kaheen Door Nikal Jaanay Ka Mausam

Lagta Hai Ke Chehre Pe Tere Theher Gaya Hai
Yak Lakht Kayi Rang Badal Jaanay Ka Mausam

Ay Sheher Tasalli Tere Mashkoor Hain Ham
Aaya Hee Nahi Dil Ke Sambhal Jaanay Ka Mausam

Ye Sheher-e-Tamanna Bhi Anokha Hai Ke Is Per
Barsaat Mein Bhee Rehta Hai Thal Jaanay Ka Mausam

Chehre Pe Agarche Hai Mere Subaah Ka Ujaala
Aankhon Mein Magar Shaam Ke Dhal Jaanay Ka Mausam

Tujh Se Bichda Tou Kidher Jaonga

Tujh Se Bichda Tou Kidher Jaonga
Mein Tou Be-Chaini Se Mar Jaonga

Mein Tou Aisay Nahi Jaanay Waala
Chaand Doobay Ga Tou Ghar Jaonga

Moutyon Se Bhara Bartan Hun Mein
Toot Jaonga, Bikhar Jaonga

Mein Tou Sehma Howa Sannata Hun
Apni Awaaz Se Dar Jaonga

Mein Agar Koi Samandar Bhi Hun
Ik Tere Dard Se Bhar Jaonga

Waqt Ke Rath Se Mein Farhat Abbas
Kaheen Chup Chaap Bikhar Jaonga

Tapish Se Bach Ke Ghataon Mein Baith Jaatay Hain

Tapish Se Bach Ke Ghataon Mein Baith Jaatay Hain
Gaye Howun Ki Sadaaon Mein Baith Jaatay Hain

Hum Ird Gird Ke Mausam Se Jub Bhi Ghabraayein
Tere Khayaal Ki Chhaon Mein Baith Jaatay Hain

Ye Neend Ki Devi Bhi Ajab Dushman e Jaan Hai

Ye Neend Ki Devi Bhi Ajab Dushman-e-Jaa.n Hai
Aankhon Se Sadaa Door Rahay Raat Gaye Tak

Paspaa Howay Tanhaayi Ki Yalgaar Se Jub Bhi
Hum Sheher Mein Awaarah Phiray Raat Gaye Tak