Bashir Badr Poetry

Bashir Badr is a famous Urdu poet.He is Born on 15 February 1935 In Ayodhya, India.He received Awards Padma Shri award in 1999 and Sahitya Akademi Award in Urdu.


Main Thak Geya Hun Bahut Shayadaar Pedon Se

Main Thak Geya Hun Bahut Shayadaar Pedon Se

Zara Si Dhoop Bichhakar Qayam Karta Hun!

Aisa Lagta Hai Zindagi Tum Ho

Aisa Lagta Hai Zindagi Tum Ho
Ajnabi Jaise Ajnabi Tum Ho

Ab Koi Aarzoo Nahi Baki
Just-Ju Meri Aakhiri Tum Ho

Main Zameen Par Ghana Andhera Hun
Aasmano Kee Chandni Tum Ho

Doston Se Wafa Kee Ummeedein
Kis Zamane Ke Aadmi Tum Ho!

Hum Bhi Dariya Hai Humein Apna Hunar Maloom Hai

Hum Bhi Dariya Hai Humein Apna Hunar Maloom Hai
Jis Taraf Bhi Chal Padenge Raasta ho Jayega!

Jis Din Se Chala Hu Meri Manzil Pe Nazar Hai

Jis Din Se Chala Hu Meri Manzil Pe Nazar Hai

Aankho Ne Kabhi Mile Ka Patthar Nahi Dekha!

Socha Nahi Achha Bura Dekha Suna Kuch Bhi Nahi

Socha Nahi Achha Bura Dekha Suna Kuch Bhi Nahi
Manga Khuda Se Raat Din Tere Siwa Kuch Bhi Nahi

Dekha Tujhe Socha Tujhe Chaha Tujhe Puja Tujhe
Meri Khata Meri Wafa Teri Khata Kuch Bhi Nahi

Jis Par Hamari Aankh Ne Moti Bichaye Raat Bhar;
Bheja Wahi Kagaz Use Hum Ne Likha Kuch Bhi Nahi;

Ek Sham Kee Dehleez Par Baithe Rahe Wo Der Tak;
Aankhon Se Kee Baatein Bahut Munh Se Kaha Kuch Bhi Nahi;

Do Chaar Din Kee Baat Hai Dil Khak Mein So Jayega
Jab Aag Par Kagaz Rakha Baki Bacha Kuch Bhi Nahi

Ehsaas Kee Khushbu Kahan, Aawaz Ke Jugnu Kahan
Khamosh Yaadon Ke Siwa, Ghar Mein Raha Kuch Bhi Nahi!

Woh Chandni Ka Badan Khushabuon Ka Saya Hai

Woh Chandni Ka Badan Khushabuon Ka Saya Hai
Bahut Azeez Hume Hai Magar Paraya Hai

Utar Bhi Aao Kabhi Aasman Ke Zeene Se
Tumhein Khuda Ne Humare Liye Banaya Hai

Mehak Rahi Hai Zameen Chandni Ke Phoolon Se;
Khudaa Kisi Kee Mohabbat Pe Muskuraya Hai;

Use Kisi Kee Mohabbat Ka Aitbar Nahi
Use Zamane Ne Shayad Bahut Sataya Hai

Tamam Umar Mera Dum Uske Dhuein Se Ghuta
Woh Ik Chirag Tha Maine Use Bujhaya Hai!

Na Tum Hosh Mein Ho Na Hum Hosh Mein Hain

Na Tum Hosh Mein Ho Na Hum Hosh Mein Hain
Chalo Maikade Mein Wahin Baat Hogi

Woh Bhi Bahut Akela Hai Shayad Meri Tarah

Woh Bhi Bahut Akela Hai Shayad Meri Tarah

Uss Ko Bhi Koi Chahne Wala Nahi Milaa

Koi Naa Jaan Saka Woh Kahan Se Aaya Tha

Koi Naa Jaan Saka Woh Kahan Se Aaya Tha
Aur Us Ne Dhoop Se Baadal Ko Kyon Milaya Tha

Yeh Baat Shayad Logon Ko Pasand Aayi Nahin
Makaan Chota Tha Lekin Bohat Sajaya Tha

Woh Ab Wahan Hai Jahan Raste Nahin Jate;
Main Jis Ke Sath Yahan Pichle Saal Aya Tha;

Suna Hai Us Pe Chehekne Lage Hain Parindey Bhi;
Woh Aik Paudaa Jo Hum Ne Kabhi Lagaya Tha;

Chiragh Doob Gaye Kapkapaye Honton Par;
Kisi Ka Hath Hamare Labon Tak Aya Tha;

Badan Ko Chorr Ke Jana Hai Aasman Ki Taraf
Samundron Ne Humein Yeh Sabaq Parhaya Tha

Tamam Umar Mera Dam Isi Dhuyein Mein Ghutta
Woh Ik Chiragh Thaa Maine Usey Bhujaya Tha!

Tum Raah Mein Chupp Chaap Kharrey Ho To Gaye Ho

Tum Raah Mein Chupp Chaap Kharrey Ho To Gaye Ho

Kis Kis Ko Batao Gey Ghar Kyun Naheen Jaatey!